InfoHub Logo

شوجە قارجاۋباي ۇلى (1803 — 1884) — اقىن. ول قازىرگى كوكشەتاۋ وبلىسى قىزىلتۋ اۋدانىندا دۇنيەگە كەلگەن. جاستاي اۋرۋعا شالدىعىپ، ەكى كوزىنەن بىردەي ايىرىلعان. بالا كەزىنەن قوبىز، دومبىرا تارتىپ، اقىندىق ونەرىنە ماشىقتانعان. جوقشىلىق پەن جارىمجاندىقتىڭ اۋىر زاردابىن تارتقان. «داۋكەيگە»، «دومبىرا شىققان تىڭقىلدان»، «بايدىكتى ماقتاعانى» ت.ب. ولەڭدەردىڭ اۆتورى. شوجە — ءىرى ايتىس اقىنى. «كوزىمە ون جەتى اقىن تۇك قىلعان جوق» دەۋىنە قاراعاندا، ءوز زامانىنداعى اتى ءمالىم اقىنداردىڭ بىرازىمەن ايتىسقان سەكىلدى. شوجە — بەلگىلى ەپيك اقىن، ءانشى ءارى كومپوزيتور. «قوزى كورپەش — بايان سۇلۋ» جىرىنىڭ ەڭ كوركەم ءارى تولىق نۇسقاسى شوجەنىڭ ايتۋىمەن تاراعان. ونىڭ حالىق اۋىز ادەبيەتىنىڭ اسىل ۇلگىلەرى مەن ەل شەجىرەسىنىڭ اسقان بىلگىرى ەكەنىن كەزىندە ش. ءۋاليحانوۆ اتاپ كورسەتكەن. اباي قۇنانباي ۇلى، س. تورايعىروۆ شوجەنىڭ اقىندىق تالانتىن جوعارى باعالاعان، جاسقان باي تۋرا ايتاتىن وتكىرلىگىن قاتتى قۇرمەتتەگەن.

---