مارستاعى سۋ: Mars Express مۇز باسقان كراتەر سۋرەتتەرىن جىبەردى
ەۋروپا عارىش اگەنتتىگىنىڭ Mars Express عالامشارارالىق اۆتوماتتى ستانساسى مۇز قاتىپ جاتقان كوروليەۆ كراتەرىنىڭ سۋرەتتەرىن جەرگە جىبەردى.
Mars Express 2003 جىلدىڭ 2 ماۋسىمىندا عارىشقا ۇشقان بولاتىن. التى ايدان كەيىن اپپارات مارسقا جەتىپ، ونىڭ وربيتاسىنا شىققان. جەلتوقسان ايىندا ەۋروپا عارىش اگەنتتىگى ميسسيانىڭ 15 جىلدىعىن تويلادى، ال سپۋتنيكتەن الىنعان سۋرەتتەر مەرەيتويعا لايىقتى تارتۋ بولدى. فوتوسۋرەتتەر دالدىگى جوعارى HRSC (High Resolution Stereo Camera) ستەرەوكامەرالارىمەن تۇسىرىلگەن. سۋرەتتەردەن تىس، سپۋتنيك عالىمدارعا كوروليەۆ اتىنداعى كراتەردىڭ توپوگرافيالىق دەرەكتەرىن دە جىبەردى.
Mars Express-تەن تۇسىرىلگەن كوروليەۆ كراتەرى
كوروليەۆ كراتەرىنىڭ توپوگرافيالىق ءتۇرى
HRSC فوتوسۋرەتتەرى
كراتەردىڭ ديامەترى - 82 كيلومەتر. ول عالامشاردىڭ سولتۇستىك پوليارلىق بولىگىندەگى توبەلىكتەردىڭ وڭتۇستىك جاعىندا ورنالاسقان. سۋدان قاتقان مۇزدىڭ تەرەڭدىگى 1،8 كيلومەترگە جەتەدى. مۇز قاباتىنىڭ ۇستىندەگى اتموسفەرانىڭ تابيعي جولمەن سالقىنداۋى كراتەردەگى مۇزدى ەرىپ كەتۋدەن ساقتايدى.
You Might Also Like
-
ستۋدەنتتىك ءومىر – ءار ادام ومىرىندەگى قيىنشىلىعىمەن، قىزىقتىلىعىمەن ەستە قالاتىن كەزەڭ. ءتورت جىلى ءتورت كۇن سەكىلدى كوزدى اشىپ جۇمعانشا ءوتىپ كەتەدى. ستۋدەنت بولعاننان كەيىن قارنىننىڭ اش بولاتىن...
-
شوجە قارجاۋباي ۇلى (1803 — 1884) — اقىن. ول قازىرگى كوكشەتاۋ وبلىسى قىزىلتۋ اۋدانىندا دۇنيەگە كەلگەن. جاستاي اۋرۋعا شالدىعىپ، ەكى كوزىنەن بىردەي ايىرىلعان. بالا كەزىنەن قوبىز، دومبىرا تا...
