depositphotos.com
شۋچينسك ماڭىنداعى جول اپاتى: وتباسىن قاعىپ كەتكەن جۇرگىزۋشىگە ۇكىم شىقتى
كوكشەتاۋدا استانا-پەتروپاۆلوۆسك تاس جولىندا بولعان، وتباسىنىڭ قازا تابۋىنا سەبەپكەر بولعان جول اپاتى بويىنشا سوت ۇكىمى شىقتى. بۇل قايعىلى وقيعا بىلتىر تامىز ايىندا بولعان ەدى. اپاتقا كىنالى جۇرگىزۋشى بەس جىلعا باس بوستاندىعىنان ايىرىلدى.
بۇل تۋرالى Infohub.kz اقپارات اگەنتتىگى حابارلايدى.
جۇرگىزۋشىنىڭ كىناسى
سوت وتىرىسىندا انىقتالعانداي، اتالعان ازامات ساعاتىنا 100 شاقىرىمنان استام جىلدامدىقپەن كولىك باسقارعان. ونىڭ ۇستىنە، ول كولىك جۇرگىزىپ وتىرىپ، تەلەفونىنا الاڭداپ وتىرعان. بۇعان قوسا، ول ساقتاندىرۋسىز تاكسي قىزمەتىن اتقارعان.
وقيعانىڭ ءمان-جايى
قايعىلى وقيعا شۋچينسك ماڭىنداعى تاس جولدا بولدى. Hyundai Elantra اۆتوكولىگى وزىپ شىعۋ ءۇشىن قارسى جولاققا شىعىپ، ۆاز-2107 كولىگىمەن بەتپە-بەت سوقتىعىسقان. سوققى سالدارىنان «جەتىلىك» كولىگىنىڭ جۇرگىزۋشىسى مەن ەكى جولاۋشىسى سول جەردە كوز جۇمدى. تاعى ءبىر جولاۋشى اۋرۋحانادا قايتىس بولدى. ينوماركانىڭ جولاۋشىلارى ءارتۇرلى جاراقاتتارمەن اۋرۋحاناعا جەتكىزىلگەن.
مورالدىق وتەماقى
قازا تاپقان «جيگۋلي» كولىگىنىڭ جۇرگىزۋشىسى ءۇش بالانىڭ اكەسى بولعان، ولاردى جالعىز تاربيەلەپ وتىرعان. وقيعا كەزىندە ونىمەن بىرگە سالوندا ۇلى مەن اپكەسى بولعان. سوتتالعان ازامات ەندى ءاربىر قازا تاپقان ادام ءۇشىن 5-تەن 8 ميلليون تەڭگەگە دەيىن مورالدىق وتەماقى تولەۋگە مىندەتتەلدى.
-
استانادا وتكەن ەكولوگيالىق سامميتتەگى باسپا ءسوز ءماسليحاتى مەن رەسمي كەزدەسۋلەردەن تىس قىزىقتى ساتتەردى Tengrinews ءتىلشىسى باياندايدى.
-
تۇركيا پرەزيدەنتى رەجەپ تايىپ ەردوعان گەرمانيا پرەزيدەنتى فرانك-ۆالتەر شتاينمايەرمەن تەلەفون ارقىلى سويلەسىپ، يران مەن ۋكراينا ماسەلەلەرى بويىنشا كەلىسسوزدەر جۇرگىزۋگە ۇمتىلىس ءبىلدىردى.
