Photo: Pixabay (https://www.pexels.com/@pixabay) / Pexels
ششۋچينسكىدەگى دۇرسىلدەن كەيىنگى جاعداي: قيىندىققا تاپ بولعاندارعا كومەك كورسەتىلۋدە
اقمولا وبلىسىنىڭ ششۋچينسك قالاسىنداعى كافەدە بولعان جارىلىستان كەيىن قالا بيلىگى زارداپ شەككەندەر مەن قازا تاپقانداردىڭ وتباسىلارىنا جان-جاقتى قولداۋ كورسەتۋدى باستادى. وقيعانىڭ ءمان-جايىن انىقتاۋ جانە قاۋىپسىزدىك شارالارىن كۇشەيتۋ جۇمىستارى جۇرگىزىلۋدە.
بۇل تۋرالى Infohub.kz اقپارات اگەنتتىگى حابارلايدى.
جەدەل شتاب وتىرىسى
وبلىس اكىمى مارات احمەتجانوۆ زارداپ شەككەندەر مەن قازا تاپقانداردىڭ وتباسىلارىنا جان-جاقتى كومەك كورسەتۋدى، مەديسينالىق كومەكتى ۋاقتىلى ۇيىمداستىرۋدى جانە جەدەل جاردەم بريگادالارىنىڭ تاۋلىك بويى كەزەكشىلىگىن قامتاماسىز ەتۋدى تاپسىردى. سونداي-اق، وقيعانىڭ سەبەپتەرىن وبەكتيۆتى تەرگەپ، كىنالىلەردى جاۋاپقا تارتۋ جانە قاۋىپسىزدىك تالاپتارىنىڭ ساقتالۋىن كۇشەيتۋ مىندەتتەلدى.
«ازاماتتاردىڭ قاۋىپسىزدىگى باستى نازاردا بولۋى ءتيىس. بۇل باعىتتا قوسىمشا ۇيىمداستىرۋشىلىق جانە الدىن الۋ شارالارى قابىلدانادى. زارداپ شەككەن وتباسىلارعا تولىق قولداۋ كورسەتەمىز»، - دەدى وبلىس اكىمى.
قارجىلاي جانە الەۋمەتتىك كومەك
قازىرگى تاڭدا قازا تاپقانداردىڭ 6 وتباسى 2 ميلليون تەڭگەدەن ءبىرجولعى تولەم الدى. كافە يەسى دە قازا تاپقانداردىڭ وتباسىلارىنا تاعى 2 ميلليون تەڭگەدەن تولەدى. سونداي-اق، دەمەۋشىلىك قاراجات ەسەبىنەن 5 وتباسىنىڭ نەسيەلەرى وتەلىپ، زاڭناماعا سايكەس الەۋمەتتىك تولەمدەر تاعايىندالدى.
ۆەدومستۆوارالىق كوميسسيا جۇمىسى
ق ر توتەنشە جاعدايلار مينيسترلىگىنىڭ باسشىلىعىمەن اۋدان اۋماعىندا ۆەدومستۆوارالىق كوميسسيا جۇمىسىن جالعاستىرۋدا. مينيستر اۋداندىق اۋرۋحانادا ەم الىپ جاتقان ناۋقاستارمەن كەزدەسىپ، جاعدايلارىمەن تانىستى. بارلىق ناۋقاستارعا قاجەتتى مەديسينالىق كومەك تولىق كولەمدە كورسەتىلىپ، جاعدايلارى دارىگەرلەردىڭ باقىلاۋىندا.
وقيعانىڭ ءمان-جايى
26 اقپاندا ششۋچينسك قالاسىندا «ورتالىق پلوۆ» مەيرامحاناسىندا گاز-اۋا قوسپاسىنىڭ جارىلىسى بولدى. وقيعا سالدارىنان 28 ادام زارداپ شەگىپ، 7 ادام قازا تاپتى. زارداپ شەككەندەر بۋراباي اۋداندىق اۋرۋحاناسىنا جانە كوكشەتاۋ قالالىق كوپبەيىندى اۋرۋحاناسىنا جەتكىزىلدى.
-
Kazakh lawmakers proposed mandatory annual wage increases and measures to reduce pay gaps، but the government cited economic concerns، leading to a legislative stalemate.
-
يزرايل قورعانىس ارمياسى يرانعا سوققى بەرگەنىن مالىمدەدى. تەگەراندا بىرنەشە جارىلىس بولدى.
