شىمكەنت اكىمى جەڭىستىڭ 80 جىلدىعىنا وراي قوس ارداگەرگە كولىك تابىستادى
شىمكەنتتە ۇلى جەڭىستىڭ 80 جىلدىعى قارساڭىندا سوعىس ارداگەرلەرىنە قۇرمەت كورسەتىلدى. قالا باسشىسى عابيت سىزدىقبەكوۆ بۇگىندە ءتىرى قالعان ەكى مايدانگەر — نينا ەگوروۆنا موسۋنوۆا مەن مۇراتالى تولەپبەرگەنۇلىن ارنايى قۇتتىقتاپ، ولارعا جاڭا اۆتوكولىكتەردىڭ كىلتىن تابىستادى.
ارداگەرلەرگە مەملەكەت باسشىسى مەن قورعانىس ءمينيسترىنىڭ قۇتتىقتاۋ حاتتارى مەن «جەڭىسكە 80 جىل» مەرەكەلىك مەدالدارى تاپسىرىلدى. قالا اۋماعىندا قوس جاۋىنگەرگە ارنالعان شەرۋلەر ۇيىمداستىرىلىپ، ەرلىكتەرىنە تاعزىم جاسالدى.
98 جاستاعى نينا موسۋنوۆا — تاتارستاندا دۇنيەگە كەلىپ، مايدانعا تەلەگرافيست رەتىندە اتتانىپ، زەنيتتىك بولىمدە راديستەر كومانديرى بولعان. سوعىستان كەيىن شىمكەنتكە قونىس اۋدارىپ، ءتۇرلى مەكەمەلەردە ەڭبەك ەتتى. ول — ءبىر بالانىڭ اناسى، ەكى نەمەرە مەن بەس شوبەرەنىڭ ارداقتى اجەسى.
ال 99 جاستاعى مۇراتالى تولەپبەرگەن ۇلى — جاسكەشۋ اۋىلىندا تۋىپ، 18 جاسىندا سوعىسقا اتتانعان. برەستتەن گەرمانياعا دەيىنگى شايقاستارعا قاتىسىپ، جەڭىستى بيتتەنبەرگ قالاسىندا قارسى العان. ەلگە 1950 جىلى ورالعان ارداگەردىڭ جادىندا مايدان جولى ءالى كۇنگە جاڭعىرىپ تۇر.
You Might Also Like
-
قازاقستان عىلىمى مەن ادەبيەتتانۋ سالاسىنا ولشەۋسىز ۇلەس قوسقان كورنەكتى عالىم، ادەبيەتتانۋشى، فولكلورتانۋشى، ۇلتتىق عىلىم اكادەمياسىنىڭ اكادەميگى، فيلولوگيا عىلىمدارىنىڭ دوكتورى، مەملەكەتتىك سىيلى...
-
شەرزات پولاتتىڭ ولىمىنە قاتىستى ءوتىپ جاتقان سوت وتىرىسىندا كۇدىكتىلەردىڭ ادۆوكاتتارى ءىستى جۇرگىزىپ جاتقان پروكۋرور دانا سارسەنبايدى اۋىستىرۋدى سۇرادى. ولاردىڭ ايتۋىنشا، پروكۋرور سوتتا داۋىس كوتەرىپ...
