InfoHub Logo

شىمكەنت قالاسى اكىمىنىڭ ورىنباسارى رۋسلان بەردەنوۆ وزىنە جاسالعان شابۋىلدان كەيىن العاش رەت الەۋمەتتىك جەلىدە مالىمدەمە جاسادى. ول قازاق حالقىنا جانە قولداۋ بىلدىرگەن بارشا ازاماتتارعا العىس ايتتى.

«بۇل وقيعا مەن ءۇشىن دە، وتباسىم مەن جاقىندارىم ءۇشىن دە اۋىر ءتيدى. ءبىراق وسى ۋاقىت ارالىعىندا كوپتەگەن ادامنىڭ جاناشىرلىعىن، قولداۋىن سەزىندىم. حابارلاسقان، جازعان، تىلەۋلەس بولعان ءار ادامعا ريزامىن»، – دەدى بەردەنوۆ.

شەنەۋنىك اۋرۋحانادا وتكەن ءۇش اپتادان كەيىن جاعدايىنىڭ جاقسارعانىن، قالىپتى ومىرگە ورالۋعا دايىن ەكەنىن جەتكىزدى. سونىمەن قاتار، وتاندىق مەديسينا سالاسىنىڭ جوعارى دەڭگەيدە ەكەنىن ايتىپ، دارىگەرلەرگە العىس ءبىلدىردى.