tengrinews.kz
شىمكەنت زووپاركىندە بالا قويانداردىڭ قوراسىنا كىرىپ كەتتى
شىمكەنت زووپاركىندە كىشكەنتاي بالا قويانداردىڭ ارنايى بولىنگەن اۋماعىنا كىرىپ كەتكەن. ۆيدەودا بالانىڭ جانۋارلاردى قۋىپ، قورقىتىپ، ولارمەن بىرگە سۋرەتكە ءتۇسىپ جاتقانى كورىنەدى. بۇل ارەكەتتەر جانۋارلارعا سترەسس اكەلىپ، تىنىشتىعىن بۇزادى.
بۇل تۋرالى Infohub.kz اقپارات اگەنتتىگى حابارلايدى.
زووپارك قىزمەتكەرلەرىنىڭ ايتۋىنشا، بالانىڭ قوراعا كىرۋىنە اناسى كومەكتەسكەن. وقيعادان كەيىن كۇزەت قىزمەتى بەينەباقىلاۋ جازبالارىن قاراپ، كەلۋشىلەردىڭ كىم ەكەنىن انىقتادى. بالانىڭ اتا-اناسىمەن ءتۇسىندىرۋ جۇمىستارى جۇرگىزىلىپ، زووپارك ەرەجەلەرى مەن جانۋارلارعا ۇقىپتى قاراۋ قاجەتتىلىگى ەسكەرتىلدى.
ەرەجەلەردى بۇزۋدىڭ سالدارى
زووپارك اۋماعىندا قورشاۋدان وتۋگە تىيىم سالاتىن ەسكەرتۋ بەلگىلەرى بار ەكەنىنە قاراماستان، بۇل تالاپتار ەلەۋسىز قالعان. زووپارك اكىمشىلىگى جانۋارلاردىڭ ءۇيى – زووپاركتىڭ تەك ويىن-ساۋىق ورنى ەمەس ەكەنىن اتاپ ءوتتى. ءاربىر كەلۋشىنىڭ ەرەجەلەردى ساقتاۋعا جاۋاپتى ەكەندىگىن باسا ايتتى.
بالالاردىڭ قاۋىپسىزدىگى
زووپارك كەلۋشىلەردى بالالارىن مۇقيات قاداعالاپ، ولاردى قاراۋسىز قالدىرماۋعا شاقىردى. قورالارعا كىرۋگە تىيىم سالىناتىنى جانە بالالاردىڭ قاۋىپسىزدىگىنە ەرەكشە نازار اۋدارۋ قاجەتتىگى ەسكەرتىلدى.
بۇل وقيعا سوڭعى ايدا قازاقستان زووپاركتەرىندەگى كەلۋشىلەردىڭ تارتىپسىزدىگى تۋرالى ەكىنشى رەزونانستى جاعداي. بۇعان دەيىن سەمەيدە ەرەسەكتەر بالالاردىڭ كوزىنشە ارىستان قوراسىن تاسپەن اتقان بولاتىن.
-
ۆ كازاحستانە زاۆەرشيلسيا موراتوريي نا سەنى نا گسم. پرەمەر-مينيستر ولجاس بەكتەنوۆ دال پورۋچەنيە نە دوپۋستيت زناچيتەلنوگو ۆليانيا روستا سەن نا ينفلياسيۋ.
-
A child's unauthorized entry into a rabbit enclosure at the Shymkent Zoo highlights the need for visitor adherence to safety rules and respect for animal welfare.
