Tengrinews.kz
شىمكەنتتە 1،7 ميلليارد تەڭگە جەلگە ۇشپاق بولدى: ەلدى مەكەنسىز جەرگە ينفراقۇرىلىم تارتۋ جوسپارلانعان
شىمكەنت قالاسىنىڭ پروكۋراتۋراسى 1،7 ميلليارد تەڭگەگە جۋىق بيۋدجەت قاراجاتىن ءتيىمسىز جۇمساۋدىڭ الدىن الدى. بۇل اقشا ەشقانداي ءۇيى، تۇرعىنى جوق اۋماققا ينجەنەرلىك ينفراقۇرىلىم تارتۋعا باعىتتالعان بولاتىن.
بۇل تۋرالى Infohub.kz اقپارات اگەنتتىگى حابارلايدى.
جوبانىڭ نەگىزسىزدىگى انىقتالدى
قالا پروكۋراتۋراسى مەملەكەتتىك قاراجاتتى جوسپارلاۋ جانە پايدالانۋ كەزىندە زاڭ بۇزۋشىلىقتاردى انىقتادى. ءبىر ميكرواۋداندا ينجەنەرلىك ينفراقۇرىلىم قۇرىلىسى جوباسى بويىنشا بيۋدجەت قاراجاتى ءتيىستى نەگىزدەمەسىز قاراستىرىلعانى بەلگىلى بولدى. سەبەبى، اتالعان اۋماقتا تۇرعىن ۇيلەر، حالىق جانە قاجەتتى قۇرىلىستار بولماعاندىقتان، ينجەنەرلىك جەلىلەردى تارتۋعا ناقتى قاجەتتىلىك تۋىنداماعان.
قارجىلاندىرۋ قىسقارتىلدى
جەر ۋچاسكەلەرىنىڭ ءبىر بولىگىنىڭ بولىنبەگەنى، جوبالىق-سمەتالىق قۇجاتتامانىڭ ناقتى جاعدايعا سايكەس كەلمەگەنى جانە جوبانى قازىرگى جاعدايدا جۇزەگە اسىرۋ مەرزىمىنەن بۇرىن ءارى ەكونوميكالىق تۇرعىدان ءتيىمسىز ەكەنى انىقتالدى. پروكۋرورلىق قاداعالاۋ اكتىسىنىڭ ناتيجەسىندە قارجىلاندىرۋ پارامەترلەرى قايتا قارالدى. قوسىمشا كەلىسىمگە قول جەتكىزىلىپ، 1،7 ميلليارد تەڭگە كولەمىندە شىعىندار قىسقارتىلدى. بۇل بيۋدجەت قاراجاتىنىڭ ءتيىمسىز قولدانىلۋىن بولدىرمادى.
-
نەكوتورىە كازاحستانسى زامەتيلي ۋمەنشەنيە سرەدستۆ نا سۆويح پەنسيوننىح سچەتاح، ۆىزۆاۆ بەسپوكويستۆو. ناسيونالنىي بانك كازاحستانا رازياسنيل سيتۋاسيۋ.
-
بىۆشيي رۋكوۆوديتەل فوندا زدراۆووحرانەنيا گالىمجان ابيلوۆ پريگوۆورەن ك وگرانيچەنيۋ سۆوبودى زا حيششەنيە بولەە 16 ميلليونوۆ تەنگە.
