شىمكەنتتە 20 ميلليون تەڭگەنىڭ التىنىن ۇرلاعان پاتەر ۇرىلارى ۇستالدى
شىمكەنت قالاسىندا ءبىر اي كولەمىندە ونعا جۋىق ۇيگە ءتۇسىپ، ءىرى كولەمدە التىن بۇيىمداردى جىمقىرعان پاتەر ۇرىلارى قولعا ءتۇستى. بۇل تۋرالى Polisia.kz حابارلادى.
قالالىق پوليسيا دەپارتامەنتىنىڭ مالىمەتىنشە، جەدەل-ىزدەستىرۋ ءىس-شارالارى بارىسىندا پاتەر ۇرلىعىنا قاتىسى بار بەس ەر ادام انىقتالىپ، ۋاقىتشا ۇستاۋ يزولياتورىنا قامالدى. تەرگەۋ نۇسقاسىنا سايكەس، ولار تۇرعىن ۇيلەرگە تەرەزە ارقىلى كىرىپ، نەگىزىنەن التىن بۇيىمداردى نىساناعا العان.
الدىن الا ەسەپ بويىنشا، كەلتىرىلگەن ماتەريالدىق شىعىن 20 ميلليون تەڭگەگە جۋىقتاعان. قازىرگى تاڭدا ءتارتىپ ساقشىلارى ۇرلانعان اشەكەيلەردىڭ ءبىر بولىگىن يەلەرىنە قايتارىپ بەرگەنىن مالىمدەدى.
قۇقىق قورعاۋ ورگاندارى كۇدىكتىلەردىڭ باسقا دا ۇقساس قىلمىستارعا قاتىسى بار-جوعىن تەكسەرىپ جاتىر. تەرگەۋ امالدارى جالعاسۋدا.
پوليسيا وكىلدەرى تۇرعىندارعا قاۋىپسىزدىك شارالارىن كۇشەيتۋدى ەسكەرتەدى. اتاپ ايتقاندا، پاتەرلەرگە بەينەباقىلاۋ ورناتۋ، سەنىمدى قۇلىپتار قولدانۋ جانە ۇزاق ۋاقىتقا ۇيدەن كەتكەن جاعدايدا كورشىلەرمەن حابارلاسىپ وتىرۋ سياقتى الدىن الۋ امالدارىن نازاردا ۇستاۋ قاجەتتىگىنە نازار اۋدارتادى.
You Might Also Like
-
الماتىدا موپەد ايداپ قاشقان كۇدىكتى پوليسەيدى سۇيرەپ اكەتتى،ءبىراق الىسقا ۇزاي المادى— دەپ حابارلايدى Infohub ءتىلشىسى.
-
شىلدەنىڭ العاشقى جەكسەنبىسىندە ەلىمىز ۇلتتىق دومبىرا كۇنىن اتاپ ءوتتى. بۇل — قازاقتىڭ رۋحاني بايلىعىن ۇلىقتاپ، ۇلت بولمىسىنىڭ وزەگىنە ۇڭىلەتىن مەرەيلى كۇن.
