tengrinews.kz
شىمكەنتتە ءبىر پودەزدە ءتورت ادامنىڭ ءولىمى تابىلعان سوڭ قىلمىستىق ءىس قوزعالدى
شىمكەنتتەگى ستۋدەنتتەر قالاشىعىنداعى ءبىر پودەزدە ءبىر كۇندە ءتورت ادامنىڭ قازا تابۋى جۇرتشىلىقتى دۇرلىكتىردى. الدىن الا مالىمەتتەر بويىنشا، بۇل جاعداي گازبەن ۋلانۋدان بولعان.
بۇل تۋرالى Infohub.kz اقپارات اگەنتتىگى حابارلايدى.
قايعىلى وقيعا ستۋدەنتتەر قالاشىعىنداعى كوپقاباتتى ۇيلەردىڭ بىرىندە بولدى. كورشىلەردىڭ ايتۋىنشا، ءبىرىنشى پاتەردەن 31 جاستاعى ايەل مەن 16 جاستاعى قىزدىڭ ءمايىتى تابىلعان. ەكىنشى قاباتتاعى پاتەردە 23 جاستاعى جىگىت كوز جۇمعان. ال ءۇشىنشى قاباتتاعى جالدامالى پاتەردە 20 جاستاعى ستۋدەنت قىز قايتىس بولعان. ونىڭ ءمايىتىن پاتەر يەسى ۆاننادان تاپقان.
گاز ءيىسى تۋرالى شاعىمدار بولعان
كورشىلەر بۇعان دەيىن دە گاز ءيىسى شىعىپ تۇرعانى تۋرالى شاعىمدانعاندارىن ايتادى. الايدا، ازىرگە گاز ماماندارىنان رەسمي تۇسىنىكتەمە بەرىلمەدى. پوليسيا قىزمەت كورسەتۋدەن ادام ولىمىنە اكەپ سوقتىرۋ فاكتىسى بويىنشا قىلمىستىق ءىس قوزعادى.
«ءبىرىنشى قىزدى تاۋىپ الدى، شامامەن تۇنگى ساعات 12 شاماسىندا. پاتەر يەسى كەلگەندە ۆاننا ەسىگىنىڭ ىشتەن قۇلىپتاۋلى ەكەنىن كورىپتى. اشقان كەزدە، ىشىندە پاتەردە تۇراتىن قىز سۋعا ءتۇسىپ جاتقان جەرىندە قايتىس بولعان. سودان كەيىن ۋچاسكەلىك پوليسيا شاقىرىلدى. بارلىق ادامداردى كوشەگە شىعارا باستادى. قۇتقارۋشىلار كەلگەن سوڭ، باسقا ەسىكتەردى اشىپ، تاعى دا مايىتتەردى تاپتى»، - دەدى كۋاگەر يسلام فايزۋللايەۆ.
-
«اتىراۋ جارىق» كومپانياسى 5 ناۋرىزدا ءبىرقاتار اۋدانداردا ەلەكتر ەنەرگياسىن بەرۋدە ۋاقىتشا ۇزىلىستەر بولاتىنىن حابارلادى.
-
A criminal case has been opened after four individuals were found deceased in a single apartment building in Shymkent، with initial reports suggesting gas poisoning.
