Otyrar.kz
شىمكەنتتە ينتەرنەت-كابەل تارتۋ جۇمىستارى گاز اپاتىنا ۇلاستى
شىمكەنتتەگى سامال-3 شاعىناۋدانىندا ينتەرنەت جەلىسىن جۇرگىزۋ كەزىندە ۇلكەن اپات ورىن الدى. 30 ءساۋىر كۇنى جۇرگىزىلگەن كولدەنەڭ بۇرعىلاۋ بارىسىندا جەر استىنداعى ورتا قىسىمدى گاز قۇبىرى زاقىمدانىپ، سالدارىنان 2800-دەن استام ءۇي مەن 15 الەۋمەتتىك نىسان كوگىلدىر وتىننان اجىرادى.
اپات تۋرالى دابىل تۇسە سالا ساعات 13:01-دە وقيعا ورنىنا جەتكەن اۆاريالىق بريگادا "ALTA" ج ش س ماماندارىنىڭ جۇرگىزگەن بۇرعىلاۋ جۇمىستارى كەزىندە پوليەتيلەن قۇبىردىڭ بۇلىنگەنىن انىقتادى. ءقاۋىپتى جاعدايدىڭ الدىن الۋ ماقساتىندا "سامال-3" گاز تاراتۋ پۋنكتىنىڭ الدىنداعى 150 مم ديامەترلى زادۆيجكا جابىلىپ، گازدىڭ تارالۋى دەرەۋ توقتاتىلدى. ماماندار 50 مەتر راديۋستا گازدىڭ ءقاۋىپتى دەڭگەيدە شوعىرلانباعانىن مالىمدەدى.
زاقىمدانعان گاز قۇبىرى شىمكەنت قالاسىنىڭ تۇرعىن ۇي-كوممۋنالدىق شارۋاشىلىق باسقارماسىنىڭ قاراماعىندا ەكەنى بەلگىلى بولدى. ءقازىر اپاتتىڭ سالدارى جويىلىپ، جاعداي تۇراقتاندىرىلعان سوڭ عانا گاز بەرۋ قايتا ىسكە قوسىلادى. قوسىمشا مالىمەت گاز قوسۋ ۋاقىتىنا قاراي حابارلاناتىن بولادى. وسى ورايدا ماماندار تۇرعىندارعا قاۋىپسىزدىك ءۇشىن گاز قۇرىلعىلارىنداعى شۇمەكتەردى جابۋدى ەسكەرتتى.
وقيعا ورنىندا ءتارتىپتى قامتاماسىز ەتۋ ماقساتىندا اباي اۋداندىق پوليسيا باسقارماسىنىڭ قىزمەتكەرلەرى دە جۇمىس اتقارۋدا.
You Might Also Like
-
بۇل تۋرالى ەلىمىزدىڭ قازاق ۇلتتىق دەرەكتەر ورتالىعى مالىمدەدى، دەپ حابارلايدى Infohub.kz AtyrauPress-ke سىلتەپ.
