InfoHub Logo

مەملەكەت باسشىسى قاسىم-جومارت توقايەۆ ا.ن. سىزعانوۆ اتىنداعى ۇلتتىق عىلىمي حيرۋرگيا ورتالىعىنىڭ ۇجىمىنا ەرەكشە العىس ءبىلدىردى. جۋىردا اتالمىش ورتالىقتا ەلىمىزدە العاش رەت ءبىر ۋاقىتتا ءۇش ناۋقاسقا ءۇش ءتۇرلى دونوردىڭ بۇيرەگى توعىسپالى ترانسپلانتاسيا ادىسىمەن ءساتتى اۋىستىرىلدى.

پرەزيدەنت بۇل بىرەگەي وپەراسيانى جەتەكشىلىك ەتكەن پروفەسسور، بەلگىلى حيرۋرگ بولاتبەك بايماحانوۆ باستاعان ماماندار توبىنىڭ كاسىبي بىلىكتىلىگى مەن جوعارى دەڭگەيدەگى شەبەرلىگىنىڭ ناتيجەسى ەكەنىن اتاپ ءوتىپ، بۇل وتاندىق مەديسينانىڭ ۇلكەن جەتىستىگى دەپ باعالادى.

مەملەكەت باسشىسىنىڭ العىس حاتىندا:
– دەنساۋلىق ساقتاۋ جۇيەسىن دامىتۋ – ەلىمىزدىڭ ستراتەگيالىق باسىم باعىتتارىنىڭ ءبىرى. بۇل باعىتتا كوپتەگەن اۋقىمدى باستامالار قولعا الىنىپ، ۇلتتىق مەديسينانىڭ الەۋەتى ارتىپ كەلەدى. سىزدەردىڭ ءساتتى وتكىزگەن توعىسپالى ترانسپلانتاسيا وپەراسيالارىڭىز – وسى ىلگەرىلەۋدىڭ جارقىن كورىنىسى. قازىرگى تاڭدا قازاقستان كۇردەلى ترانسپلانتاسيالىق وپەراسيالاردى جوعارى دەڭگەيدە ورىنداي الاتىن الەمدەگى ساناۋلى التى مەملەكەتتىڭ قاتارىنا ەندى. بۇل جەتىستىككە سىزدەردىڭ كاسىبيلىكتەرىڭىز، تەرەڭ ءبىلىمىڭىز بەن مول تاجىريبەڭىز ارقاسىندا قول جەتكىزىلدى. بارشاڭىزعا شىنايى العىسىمدى بىلدىرەمىن. الداعى ۋاقىتتا دا حالىقتىڭ دەنساۋلىعىن ساقتاۋ جولىنداعى ەڭبەكتەرىڭىز جەمىستى بولارىنا سەنەمىن، – دەلىنگەن.

ايتا كەتەيىك، بۇل كۇردەلى وپەراسيا ەلىمىزدەگى ترانسپلانتولوگيا سالاسىنداعى ماڭىزدى سەرپىلىس رەتىندە باعالانىپ وتىر.