شىمكەنتتە جۇرگىزۋشى كۋالىگىن 500-دەن استام ادامعا ساتىپ وتىرعان قىلمىستىق توپ ۇستالدى
شىمكەنت قالاسىندا جۇرگىزۋشى كۋالىكتەرىن زاڭسىز ساتقان ۇيىمداسقان قىلمىستىق توپ اشكەرەلەندى.
2023–2024 جىلدارى ارالىعىندا جۇزەگە اسقان الاياقتىق سحەما اياسىندا 500-دەن استام ادام جۇرگىزۋشى كۋالىگىن تەوريالىق جانە پراكتيكالىق ەمتيحانداردان وتپەي العانى بەلگىلى بولدى. تەرگەۋ بارىسىندا بۇل ءىستى حقكو باسشىسى ج.ر.مۋراشيموۆ پەن وزگە دە لاۋازىمدى تۇلعالار ۇيىمداستىرعانى انىقتالعان.
جۇرگىزۋشى كۋالىگىن زاڭسىز راسىمدەۋ قىزمەتى ءۇشىن ازاماتتاردان 150 مىڭنان 400 مىڭ تەڭگەگە دەيىن اقشا الىنعان. بۇل قىلمىستىق جولمەن تابىس تابۋدىڭ كەڭ اۋقىمدى جۇيەسى بولعان.
قارجىلىق مونيتورينگ اگەنتتىگىنىڭ مالىمەتىنشە، سوت سانكسياسىمەن 12 كۇدىكتى ۇستالدى. ولاردىڭ 2 جەكە ءۇيى، 2 پاتەرى، 2 جەر تەلىمى جانە 10 اۆتوكولىگى تاركىلەۋ ماقساتىندا بۇعاتتالىپ، جالپى قۇنى 200 ميلليون تەڭگەدەن استام مۇلىككە تىيىم سالىندى.
قازىرگى تاڭدا تەرگەۋ امالدارى جالعاسۋدا.
You Might Also Like
-
الماتىدا شەرزات پولاتتىڭ ولىمىنە قاتىستى ءوتىپ جاتقان سوت پروسەسى كەزەكتى وتىرىس كەزىندە كۇتپەگەن وقيعاعا ۇلاستى. ايىپتالۋشىلاردان جاۋاپ الىنعاننان كەيىن، ادۆوكاتتاردىڭ ءبىرى ايىپتاۋ قورىتىندىسىن قاي...
-
ءساۋىردىڭ 21-22 كۇندەرى تۇركىستان قالاسى تاعى ءبىر مارتە حالىقارالىق دەڭگەيدەگى ماڭىزدى كەزدەسۋدىڭ الاڭىنا اينالماق. بۇل جولى قاسيەتتى شاھاردا قازاقستان پرەزيدەنتى قاسىم-جومارت توقايەۆ پەن تۇرىكمەنستا...
