ەرتەڭ تۇركىستان تورىندە پرەزيدەنت توقايەۆ پەن بەردىمۇحامەدوۆ ماڭىزدى كەزدەسۋ وتكىزەدى
ءساۋىردىڭ 21-22 كۇندەرى تۇركىستان قالاسى تاعى ءبىر مارتە حالىقارالىق دەڭگەيدەگى ماڭىزدى كەزدەسۋدىڭ الاڭىنا اينالماق. بۇل جولى قاسيەتتى شاھاردا قازاقستان پرەزيدەنتى قاسىم-جومارت توقايەۆ پەن تۇرىكمەنستان حالك ماسلاحاتىنىڭ ءتوراعاسى گۋربانگۋلى بەردىمۇحامەدوۆ بەيرەسمي كەلىسسوزدەر وتكىزەدى.
كەزدەسۋ اياسىندا قوس تاراپ قازاق-تۇرىكمەن ستراتەگيالىق سەرىكتەستىگىنىڭ جاڭا مۇمكىندىكتەرىن، سونىمەن قاتار وڭىرلىك ساياساتتاعى وزەكتى ماسەلەلەردى تالقىلاماق. ساراپشىلاردىڭ ايتۋىنشا، بۇل كەلىسسوزدەر ورتالىق ازياداعى تۇراقتىلىق پەن ءوزارا سەنىمدى ودان ءارى نىعايتۋعا باعىتتالادى.
ايتا كەتەيىك، تۇركىستان — تاريحي ءارى رۋحاني استانا رەتىندە مۇنداي دەڭگەيدەگى كەزدەسۋلەرگە ءجيى تاڭدالىپ ءجۇر. بۇل جولعى بەيرەسمي ساپار دا ەكى ەل اراسىنداعى ديپلوماتيالىق قارىم-قاتىناستى جاڭا دەڭگەيگە كوتەرۋى مۇمكىن.
You Might Also Like
-
ءوزىن-وزى قول جۇمساۋ — قازىرگى قوعامداعى ەڭ اۋىر جانە كۇردەلى پسيحولوگيالىق ماسەلەنىڭ ءبىرى.
-
ۇلىبريتانيانىڭ بەدەلدى The Economist باسىلىمى جاريالاعان جاڭا كاريكاتۋرالىق شولۋ مەن ساراپتامالىق ماقالادا اقش-تىڭ الەمدەگى «ەركىندىك مەكەنى» رەتىندەگى بەينەسىنىڭ السىرەگەنى ايتىلدى. باسىلىمنىڭ پىك...
