InfoHub Logo

ساباقتىڭ تاقىرىبى: سويلەم. ءسوز. قىس
ساباقتىڭ ماقساتى:
ا) سويلەممەن ءسوزدىڭ اراسىنداعى بايلانىستى ءتۇسىندىرۋ. قىس ولەڭى
تۋرالى تۇسىنىك بەرۋ.
ءا) وقۋشىلاردىڭ ساباق بارىسىندا ەستە ساقتاۋىن قالىپتاستىرىپ، سوزدىك قورىن دامىتۋ.
ب) سويلەم مەن ءسوزدىڭ اراسىنداعى ەرەكشەلىكتى ايىرا بىلۋگە ۇيرەتۋ. جىل مەزگىلدەرىنە دەگەن سۇيىسپەنشىلىكتەرىن قالىپتاستىرۋ.
ساباقتىڭ ءتۇرى: ارالاس ساباق
ساباقتا پايدالاناتىن كورنەكتى - قۇرالدار: كەسپە سۋرەت «قىس كەلبەتى»، سەمانتيكالىق كارتا، اباي قۇنانبايەۆ سۋرەتى، پرەزەنتاسيا
پايدالاناتىن ءادىس - تاسىلدەر؛ سۇراق - جاۋاپ،
ءپانارالىق بايلانىس: دۇنيەتانۋ

ساباقتىڭ بارىسى:
I. ۇيىمداستىرۋ كەزەڭى:
وقۋشىلارمەن سالەمدەسۋ، تۇگەندەۋ، كلاسس بولمەسىنىڭ تازالىعىنا كوڭىل ءبولۋ، وقۋشىلاردىڭ ساباققا دايىندىعى تەكسەرۋ، ولاردىڭ نازارىن ساباققا اۋدارۋ
II. ءۇي تاپسىرماسىن سۇراۋ
- بالالار، كىم ايتادى ۇيگە قانداي تاپسىرما بەرىلدى؟
- ولەڭدى ءبارىمىز جاتتاپ كەلدىك پە؟
- كىم ايتادى؟ ولەڭدەر جاتقا سۇرالادى.
- بالالار، وسى ولەڭدە نە تۋرالى ايتىلادى؟

III. «وي شاقىرۋ» (تاقتادا سۋرەتتەر بولشەگىنەن قۇراپ قىس سۋرەتىن شىعارۋ. ءار بولشەكتىڭ ارتىنا سۇراقتار جازىپ قويۋ)
- دىبىس دەگەن نە؟
ءسوز نەدەن قۇرالادى؟
سويلەم نەدەن قۇرالادى؟
- سويلەۋ نە ءۇشىن كەرەك؟
- ءتىلدىڭ قىزمەتى قانداي؟
- بالالار قاراڭدارشى قانداي سۋرەت قۇرادىڭدار؟
- سۋرەتتە جىلدىڭ قاي مەزگىلى بەينەلەنگەن؟
- دۇرىس. قىس.
قانە ەندى وسى سۋرەتكە قاراپ اڭگىمە قۇرايىق. (اڭگىمەلەتۋ)

ءىV. جاڭا ساباق
(پرەزەنتاسيا)
سۋرەتتەگى كىم؟
اباي قۇنانبايەۆ - اقىن.
ول كىسى كوپتەگەن ولەڭدەر جازعان، 45 قارا سوزدەرى بار، وندا قانشاما دانا سوزدەر ايتىلعان.
- ەندەشە بۇگىنگى وتەتىن تاقىرىبىمىز دا قىس تۋرالى بولماق
بۇل ولەڭدى دە اباي اتالارىڭ جازعان. قىستان باسقا جىل مەزگىلدەرىنە ارناعان باسقا دا ولەڭدەرى با، ول ولەڭدەرمەن الداعى ۋاقىتتا تانىساتىن بولامىز.
(ولەڭدى وقىتۋ، تالداۋ، سۇراق - جاۋاپ ءادىسى)

قىس
اق كيىمدى دەنەلى، اق ساقالدى،
سوقىر، مىلقاۋ تانىماس ءتىرى جاندى.
ءۇستى - باسى اق قىراۋ ءتۇسى سۋىق،
باسقان ءىزى سىقىرلاپ كەلىپ قالدى

- ولەڭدە نە تۋرالى ايتىلعان؟
- سۋرەتكە قارايىق، نە كورىپ تۇرمىز؟
قاي مەزگىل؟
قىس
(ولەڭدى وقىتۋ)
ا) ىزىڭداپ وقۋ
ءا) تىزبەكتەپ وقۋ
ءۇ. سەرگىتۋ ءساتى:
(ەكرانعا قاراپ بالاپانمەن بىرگە اۋەنگە ىلەسىپ قيمىلداۋ)
ءۇى. وقۋلىقپەن جۇمىس
– ال، ەندى نازارىمىزدى وقۋلىعىمىزدىڭ 5 بەتىندەگى جاتتىعۋعا قارايمىز. (وقۋشىعا وقىتامىن. ءاربىر سويلەمنەن سوڭ داۋىس كىدىرىسىن جاساپ وقىتۋ)
قىس كەلدى. كۇن سۋىتتى. قار كوپ جاۋدى. وزەنگە قالىڭ مۇز قاتتى.
تاقتامەن جۇمىس
- بالالار وقىعان سويلەمدى كىم تاقتاعا سىزبا ارقىلى جازادى؟

VI. داپتەرمەن جۇمىس
- بالالار، ەندى 2 - جاتتىعۋعا قارايىق. ءار سويلەمنىڭ ءبىرىنشى ءسوزىن باس ارىپتەن باستاپ جازىپ، سوڭىنا نۇكتە قويىپ كوشىرۋ.
قاڭتار. قاڭتار ايى بولدى كۇن سۋىتتى قالىڭ قار جاۋدى بوران سوقتى.
داپتەرگە تىنىس بەلگىنى دۇرىس قويىپ كوشىرۋ. تاقتاعا ءبىر وقۋشىنى شىعارىپ جازدىرۋ.

VII. بەكىتۋ كەزەڭى. سەمانتيكالىق كارتامەن جۇمىس (ءار وقۋشىعا بەرۋ، وتكەن ماتەريالدارعا بايلانىستى)
- بالالار ابايدىڭ اندەرى دە بار. مىسالى سەندەر سەگىز اياق، جەلسىز تۇندە جارىق اي، ولسەم ورنىم قارا جەر سىز بولماي ما، كوزىمنىڭ قاراسى دەگەن ولەڭدەرىن ەستىگەندەرىڭ بار ما؟
ءقازىر مەن سەندەرگە ءبىر ءانىن تىڭداتامىن.
«كوزىمنىڭ قاراسى» ءانىن تىڭداتۋ
جاقسى بالالار ەندى ءتىلىمىزدى جاتتىقتىرىپ جاڭىلتپاش ايتايىق.
جاڭىلتپاش
قار اپپاق،
دالا اپپاق -
ءبارى اپپاق....
قاراپ ب ا ق.
ەكى - ءۇش مارتە وقىتىپ، تىلدەرىن جاتتىقتىرتۋ

VIII. قورىتىندى. توپتاستىرۋ
بالالار بۇگىنگى ساباق ۇنادى ما؟
ەگەر ۇناسا الدارىڭداعى قىزىل ءتۇستى، ورتاشا ۇناسا جاسىل ءتۇس، ۇناماسا سارى ءتۇستى جاپىراقتى تاڭداپ تاقتاداعى اعاشقا جاپسىرامىز.
ۇيگە تاپسىرما: ابايدىڭ قىس ولەڭىن وقۋ، جاڭىلتپاشتى جاتتاۋ.
باعالاۋ ساباققا جاقسى قاتىسقان وقۋشىلاردى باعالاۋ.