سقو-دا جاس ۇستاز ەرەكشە بالالارمەن جۇمىستىڭ تىڭ ءادىسىن ويلاپ تاپتى
سولتۇستىك قازاقستان وبلىسىندا جاس ۇستاز يۆان بۋركوۆسكييدىڭ «كەدەرگىسىز روبوتوتەحنيكا» جوباسى «قازاقستاننىڭ ۇزدىك الەۋمەتتىك جوبالارى» رەسپۋبليكالىق بايقاۋىنىڭ وبلىستىق كەزەڭىندە ۇزدىكتەردىڭ قاتارىنان كورىندى.
جاس ۇستازدىڭ «كەدەرگىسىز روبوتوتەحنيكا» الەۋمەتتىك جوباسى ەرەكشە وقىتۋدى قاجەت ەتەتىن بالالارعا نەگىزدەلگەن. بەس جىلدان استام ەڭبەك ءوتىلى بار ءمۇعالىمنىڭ پىكىرىنشە، بۇرىنعى وقىتۋ ادىستەمەسىن وزگەرتەتىن ۋاقىت جەتكەن، ءقازىر بۇرىنعى تاسىلدەر وزەكتى ەمەس.
يۆان بۋركوۆسكيي ەلىمىزدە العاشقىلاردىڭ ءبىرى بولىپ مۇگەدەكتىگى بار بالالارعا روبوتوتەحنيكانى ۇيرەتىپ جاتىر. بۇل پيلوتتىق جوبانى جۇزەگە اسىرۋدى ول ەكى جىل بۇرىن قولعا العان ەكەن. جان-جاقتى زەردەلەگەن ۇستاز، بىرەر اي بۇرىن عانا تەوريادان ىسكە كوشىپتى. ناتيجەسىنە كوڭىلى تولادى.
«مەن بىردە بالالاردىڭ روبوتوتەحنيكامەن قىزىعا اينالىسىپ جاتقاندىعىنىڭ كۋاسى بولدىم. «نەگە ءوز تاربيەلەنۋشىلەرىممەن اينالىسپاسقا، نەگە ساباقتارىما روبوتوتەحنيكا ەلەمەنتتەرىن ەنگىزبەسكە» دەگەن وي كەلدى. ارتىقشىلىقتارى كوپ: تانىمپازدىقتى، ەستە ساقتاۋدى ارتتىرادى، قيالداۋعا ۇيرەتەدى. ۇزدىك بولۋعا ىنتالاندىرادى. ءقازىر جاڭا جوبانى ەنگىزگەلى ءبىزدىڭ بالالار دەفەكتولوگ، لوگوپەد، پسيحولوگ-مامانداردىڭ ساباقتارىنا كەلۋگە اسىعىپ تۇرادى. تاپسىرمالاردى قىزىعۋشىلىقپەن ورىندايدى. بۇنىڭ ءوزى جاقسى جەتىستىك»، - دەيدى يۆان بۋركوۆسكيي.
سولتۇستىك قازاقستان وبلىسى تايىنشا قالاسىنىڭ تۇرعىنى يۆان بۋركوۆسكيي پسيحولوگيالىق-پەداگوگيكالىق تۇزەۋ كابينەتىندە ەرەكشە وقىتۋدى قاجەت ەتەتىن بالالارمەن جۇمىس ىستەيدى. جاس مامان م.قوزىبايەۆ اتىنداعى ءسقمۋ-دى «دەفەكتولوگيا» ماماندىعى بويىنشا اياقتاعان. ءقازىر ونىڭ كلاسىندا 10 بالا تاربيەلەنەدى. تىڭ جوبانىڭ قولدانىس اياسىن كەڭەيتكىسى كەلەدى، ويتكەنى تەك تايىنشا اۋدانىندا عانا ەرەكشە وقىتۋدى قاجەت ەتەتىن بالالاردىڭ سانى – 386.
«ءار روبوت شامامەن 180-200 مىڭ تەڭگە تۇرادى. بىزگە ەڭ كەمىندە 4 روبوت كەرەك. ءقازىر ەكى روبوتتى تايىنشا اۋدانىنداعى ورتا مەكتەپتەردىڭ بىرىنەن جالعا الىپ قولدانىپ ءجۇرمىز. قارجى تابىلىپ جاتسا كەڭىرەك عيماراتقا كوشىپ، روبوتتار ساتىپ العىم كەلەدى. وندا كوبىرەك بالانى قامتۋعا بولار ەدى»، - دەيدى الەۋمەتتىك جوبانىڭ اۆتورى.
ونىڭ يدەياسى «قازاقستاننىڭ ۇزدىك الەۋمەتتىك جوبالارى» رەسپۋبليكالىق بايقاۋىنىڭ وبلىستىق كەزەڭىندە ۇزدىكتەردىڭ قاتارىنان كورىندى.
You Might Also Like
-
شىعارمالاردىڭ ءبىرى بىرىنەن ءوتىپ، سۇبەلى ءسوزدىڭ سانسىز سالماعىن ساراپتاي الاتىن سانالى جاستاردىڭ شىعارمالارى كوڭىل قۋانتادى. ءتۇرلى تاقىرىپتا قالام تەربەگەن قاتىسۋشىلارىمىز قوعامنىڭ وزەكتى ماسەلەلەرى...
-
اقبوكەن — كوپتەن قازاقستان تابيعاتىنىڭ بەلگىسى بولىپ تابىلالى. سۇتقورەكتىلەردىڭ جۇپتۇياقتىلار وتريادى، قۋىس مۇيىزدىلەر تۇقىمداسىنىڭ وكىلى (دەنەسىنىڭ ۇزىندىعى 150 سم، شوقتىعىنىڭ بيىكتىگى 80 سم، ...
