ستوكگولمدەگى ايگىلى Jumbo Stay ءقوناقۇيى جۇمىسىن توقتاتتى
شۆەسيا استاناسى ماڭىنداعى ارلاندا اۋەجايىندا ورنالاسقان ەرەكشە Jumbo Stay قوناق ءۇيى 2025 جىلدىڭ 17 ناۋرىزىندا رەسمي تۇردە جابىلدى. بۇل تۋرالى Infohub.kz Frequentflyers باسىلىمىنا سىلتەمە جاساپ حابارلايدى.
16 جىل بويى قوناقتاردى قابىلداپ كەلگەن قوناق ءۇيدىڭ جابىلۋىنا قارجىلىق قيىندىقتار سەبەپ بولدى. جوبا يەسى بانكروتقا ۇشىراعان، ال Swedavia مەملەكەتتىك كومپانياسى ينۆەستورلارعا جەردى جالعا بەرۋدەن باس تارتقان. وسىلايشا، ۇشاقتان جاسالعان قوناق ءۇيدىڭ بولاشاعىنا نۇكتە قويىلدى.
Boeing 747-200: ۇشاقتان قوناقۇيگە دەيىن
Jumbo Stay – بۇرىنعى Boeing 747-200 ۇشاعىنان جاسالعان ەرەكشە قوناق ءۇي. بۇل اۋە كەمەسى العاش رەت 1976 جىلى Singapore Airlines اۆياكومپانياسىندا پايدالانىلعان. كەيىن 2002 جىلى شۆەسيانىڭ Transjet اۋە كومپانياسى بانكروتقا ۇشىراعان سوڭ، ۇشاق قولدانىستان شىعارىلعان.
2009 جىلى ول تولىقتاي قايتا جوندەلىپ، الەمدەگى ەرەكشە قوناق ۇيلەردىڭ بىرىنە اينالعان ەدى. الايدا 2025 جىلى قوناق ءۇيدىڭ قىزمەتى رەسمي تۇردە توقتاپ، Boeing 747-200 ۇشاعى بولشەكتەلۋى مۇمكىن.
You Might Also Like
-
جۋرناليست حاليما ءتاجىقۇل «ازاتتىق راديوسىنىڭ» جابىلۋىنا قولداۋ بىلدىرەتىندەر شىن مانىندە تاۋەلسىز جۋرناليستيكادان قورقاتىندار دەگەن پىكىر ءبىلدىردى.
-
"ازاتتىقتىڭ جابىلۋى – ءسوز بوستاندىعىنا سوققى ما؟" – ءماجىلىس دەپۋتاتى وكىنىش ءبىلدىردى
