InfoHub Logo

بولگاريا استاناسى سوفيادا ءوتىپ جاتقان ستراندجا كۋبوگىندا قازاقستاندىق التى بوكسشى جارىستى جالعاستىرۋ مۇمكىندىگىن يەلەندى. بۇل تۋرالى QazaqToday.info اقپاراتتىق پورتالى حابارلايدى.

كۇندىزگى كەزدەسۋلەردە 51 كەلى سالماقتا جازيرا وراقبايەۆا، 70 كەلىدە ءمادينا نۇرشايەۆا، 54 كەلىدە انەل ساقىش، ەلينا بازاروۆا، جاينا شەكەربەكوۆا جانە 55 كەلىدە باعلان كەنجەبەك ءوز باقتارىن سىناۋدى جالعاستىرادى.

الايدا، 51 كەلىدەگى انيتا اديشيەۆا مەن 55 كەلىدەگى تيمۋر قابدەشوۆ تۋرنيردەن شىعىپ قالدى.

ەندى كەشكى سەسسيادا بىرنەشە قازاقستاندىق بوكسشى رينگكە شىعادى. ا رينگىندە 65 كەلىدە ابدىكارىم ءابدىعالىم، يليا كالينين، ەرتۋعان زەينۋللينوۆ، 90 كەلىدە داۋلەت تولەمىسوۆ ەل نامىسىن قورعايدى. ال ب رينگىندە 85 كەلىدە سۇلتانبەك ايبار ۇلى، بەكزات تاڭاتار جانە 90 كەلىدە نۇرماگامەد يۋسۋپوۆ ونەر كورسەتەدى.

ايتا كەتەيىك، قازاقستاننان 39 بوكسشى بۇل تۋرنيرگە قاتىسۋدا. ستراندجا كۋبوگى بيىل 77ء-شى رەت ۇيىمداستىرىلىپ وتىر. بۇل – ەۋروپاداعى ەڭ تاريحي سپورتتىق جارىستاردىڭ ءبىرى.

قازاقستان قۇراماسى بۇل تۋرنيردە بۇعان دەيىن 23 التىن، 34 كۇمىس جانە 45 قولا جۇلدەگە يە بولعان. قازاقستاندىق بوكسشىلار العاش رەت 1994 جىلى وسى دودادا ب ا ق سىناپ، 75 كەلىدەگى ۆالەريي كۋزمەنسوۆ كۇمىس جۇلدە العان بولاتىن. ال 2005 جىلى سەرىك ساپييەۆ (60 كەلى) قازاقستاننان شىققان العاشقى چەمپيون اتاندى. ايەلدەر اراسىندا ۆالەنتينا حالزوۆا ەكى رەت جەڭىمپاز اتانسا، ەرلەر اراسىندا ەرتۋعان زەينۋللينوۆ قاتارىنان ەكىنشى مارتە چەمپيون اتانۋ مۇمكىندىگىنە يە.