سۋدا ءجۇزۋدىڭ سەگىز ءتۇرلى پايداسى
شىنىعۋدىڭ ەڭ ءتيىمدى قۇرالدارى – اۋا، كۇننىڭ كوزى جانە سۋ ەكەنىن عالىمدار ۇنەمى ايتىپ كەلەدى. سونىڭ ىشىندەگى سۋ – تىرشىلىكتىڭ كوزى، ءومىردىڭ كەپىلى. ال، شومىلۋ نەمەسە ءجۇزۋ – شىنىعۋدىڭ ەڭ ءتيىمدى ءتۇرى. ءجۇزۋدى ادەتكە اينالدىرعان اعزانىڭ تامىر جۇيەسى سۋ تەمپەراتۋراسىنىڭ الماسۋىنا ىڭعايلانىپ، ميكروبتار مەن باكتەريالارعا ءتوزىمدى بولادى. بۇل ءوز كەزەگىندە قان اينالىمىنىڭ جاقسارۋىنا اسەر ەتەدى. اسىرەسە، ادام اعزاسىنىڭ سۋىققا دەگەن توزىمدىلىگى ارتتىرادى.
جۇزە ءبىلۋ تەك شىنىعۋ ەمەس، قانداي دا ءبىر اۋرۋدان ساۋىعۋ ءۇشىن دە تاپتىرماس «قۇرال». ماسەلەن...
1. ءجۇزۋ كەزىندە ءسىزدىڭ بارلىق بۇلشىق ەتتەرىڭىز قيمىل-قوزعالىستا بولادى. سوندىقتان ارتىق دەنە جاتتىعۋىن جاساۋدىڭ دا قاجەتى بولمايدى.
2. دەنە سۇلۋلىعىن قالايتىندارعا ءجۇزۋ ەڭ كەرەكتى سپورت ءتۇرى. ويتكەنى، ول ومىرتقا مەن قوزعالىس اپپاراتى اۋرۋلارىنىڭ الدىن الادى. ءجۇزۋ بارىسىندا بەل ومىرتقانىڭ قاسىنداعى بۇلشىق ەتتەر بوساڭسيدى.
3. سونىمەن قاتار، ءجۇزۋ جۇرەك اۋرۋلارىنا دا قارسى توتەپ بەرەدى. ەگەر كۇندەلىكتى جۇزۋمەن شۇعىلدانساڭىز، جۇرەك-قان تامىر جۇيەسىنىڭ اۋرۋلارىن ۇمىتۋعا بولادى.
4. ءجۇزۋ تىنىس الۋ جولدارىن جاقسارتادى.
5. اعزاڭىزدى شىنىقتىرىپ، يممۋنيتەتىڭىزدى كوتەرەدى. Cوندىقتان، سىزگە تۇماۋدان قورقۋدىڭ قاجەتى جوق.
6. فيتنەسكە قاراعاندا، ءجۇزۋ ارقىلى تەز ارىقتايسىز. سەبەبى ءجۇزۋ بارىسىندا جۇگىرۋدەن دە كوپ كالوريا جۇمسالادى.
7. ءجۇزۋ سترەسس كەزىندە دە كومەكتەسەدى. ول ءسىزدىڭ جۇيكە جۇيەڭىزدى تىنىشتاندىرىپ، اعزاڭىزعا تاماشا ەنەرگيا بولەدى.
8. ەڭ باستىسى، ءجۇزۋ - كەرەمەت حوببي. مۇنداي سپورت تۇرىنەن ەشقاشان جالىقپايسىز، تەك قانا ءلاززات الاسىز.
دەرەككوز: baq.kz
You Might Also Like
-
قازاقتىڭ الاۋ باتىرىنىڭ زامانىندا بولسا كەرەك، اتتارى ەدىل، جايىق دەگەن ەكى ادام بولىپتى. ەدىل ەدىلدىڭ ارعى بەتىن، جايىق جايىقتىڭ شىعىس بەتىن ...
-
سايت نەمەسە بلوگ ءۇشىن جاقسى سۋرەت ىزدەۋ، قازىنا ىزدەۋمەن تەڭ، سونىمەن قاتار اۆتورلىق قۇقىقتى بۇزباۋ دا قاجەت. بۇل ماقالادا مىڭداعان سۋرەتتەردى جۇكتەپ الۋعا بولاتىن ەڭ ۇزدىك سۋرەتتەر قورىن جينادىق.&...
