InfoHub Logo

ول ادەمى بولاتىن. ول ايناعا قاراپ تۇرىپ، ءوزىنىڭ بۇل ومىرگە كەلۋ سەبەبى تۋرالى ويلايتىن. ەگەر جاراتۋشى بۇعان وسىنشاما سۇلۋلىق بەرگەن بولسا، ونىڭ ءجون-جوسىقسىز، ماقساتسىز بولۋى مۇمكىن بە؟ مۇمكىن ەمەس ءتارىزدى. بۇل قازىنانىڭ الدەبىر، دارەتكە وتىرىپ، جۋىنباسا كىرلەپ، ناستانىپ كەتەتىن ەركەككە، مەيلى، ول الەمدەگى ەڭ كوركەم، ەڭ اقىلدى ەركەك بولسىن، كادىمگى پەندە ەركەكتىڭ نەسىبەسىنە بەرىلۋى مۇمكىن ەمەس. ول ايناعا قاراپ وسىلاي ويلايتىن. «ماقۇل، – دەيتىن سودان كەيىن، – ءتىپتى سولاي-اق بولسىن. ءبىراق، قالاي؟» مۇمكىن ەمەس ءتارىزدى. ول سونداي-اق ءوزىنىڭ، وسى ءمىنسىز، سۇلۋ دەنەسىنىڭ اجالدى ەكەندىگىن بىلەتىن. سوندىقتان بارىنشا ابايلاپ جۇرۋگە تىرىساتىن. كوشەدەن وتكەندە، كولىككە مىنگەندە، جانى مۇرنىنىڭ ۇشىنا كەلەتىن. ەشقاشان، ەش جەردە تۇنگە قالىپ كورگەن ەمەس. ول ادامداردىڭ ءتۇرلى حايۋاندىققا باراتىنىن، اياۋسىز ەكەندىگىن بىلەتىن. ول وسىلايشا ۇزاق ءومىر ءسۇردى. ادەمى قارتايدى. سودان كەيىن كۇندەردىڭ ءبىر كۇنىندە ادەمى ءولدى. ونىڭ تابيعات شەبەردىڭ قولىنان شىققان مۇلتىكسىز دەنەسىنە سىزات تۇسكەن جوق.

---