جۇمباق
(پاروديا)
ول تەلەفون سوققان كەزدە مەن توسەكتە تەليەۆيزور كورىپ جاتقانمىن. تۇنگى ون ەكىلەر شاماسى بولار، بالكىم.
— سالەم، — دەدى ول. داۋىسى ادەتتەگىدەن جاي شىقتى. ءتىپتى اۋىرىپ قالعان ادامنىڭ داۋىسى ءتارىزدى ءسال وزگەرىڭكىرەپ شىقتى. الدە دۇرىس سويلەۋگە بار كۇشىن جۇمسايتىن ماس ادامداردىكى سياقتى ما ەكەن؟ ايتەۋىر ءبىرتۇرلى.
— سالەم. جايشىلىق پا؟
— ءيا، جاي.
ءسوزسىز ءىشىپ العان دەپ ويلادىم. ۋداي ماس.
— قاي جەردە، نەنى تويلاپ وتىرسىڭدار؟
— ءبىز… ءبىز بۇگىن جول اپاتىنا ۇشىرادىق قوي.
— ءيا؟
جۇرەگىم سۋ ەتە قالدى.
— ءبىزىڭ كىم؟
— بەرىك، باقىت، ۇشەۋمىز. تراسسادا. قاتتى ءجۇرىپ… ماشينا اۋدارىلىپ… ماشينا جولدان كوپ شىعىپ كەتىپ… جاقىن ماڭدا ەشكىم جوق. ەشكىم كورگەن جوق.
— اينالايىن، دۇرىستاپ رەت-رەتىمەن ايتشى. ەندى ءقازىر قايدان زۆونداپ تۇرسىڭ؟
— سول جەردەن. بىرەۋلەردى شاقىرا سالشى دەيىن دەپ…
— جاقسى. قاي جەردە تۇرسىڭدار؟
— قالادان شىققاننان كەيىنگى كوپىردىڭ ماڭايى.
— جاقسى، ءقازىر زۆوندايمىن. بارلىعىڭ امانسىڭدار ما، ايتەۋىر؟
— جوق، جوق، امان ەمەسپىز.
— نە بولدى؟
— ءبارىمىز امان ەمەسپىز.
ول تەلەفون تۇتقاسىن قويا سالدى. ال مەن جالما-جان ورنىمنان تۇرىپ، جەدەل جاردەمگە، قۇتقارۋ قىزمەتىنە تەلەفون شالدىم. سودان كەيىن تاكسي ۇستاپ، ءوزىم دە جەتتىم. بارلىعىنا كوپ بولسا ءبىر ساعات ۋاقىت كەتكەن شىعار. ولاردىڭ ۇشەۋى دە قايتىس بولىپ كەتىپتى. بارلىعىنىڭ ولگەن ۋاقىتى — بۇگىن تاڭەرتەڭ!!!
You Might Also Like
-
كۇن بۇزىلىپ كەلەدى. اسپان كۇڭگىرتتەنىپ، جەرگە تونە تۇسكەن. اۋادا ىلعال بار. كەنەت سىرتتان اياق تىقىرى ەستىلدى. الدەكىمدەردىڭ كۇمبىرلەگەن داۋىستارى شىقتى. مولدا قۇران وقىپ جاتىر ما؟ شىنىمەن مەنىڭ جان...
-
اۋىل كەشى. ورىستەن قايتقان مال تىنىشتالىپ، ادام اياعى سايابىرسىعان كەز. الدەقايدان جارعاناتتار پايدا بولدى.
