InfoHub Logo

تالعار قالاسىندا پوليسيا بولىمشەسىنىڭ جانىنا كولىگىن زاڭسىز قويعان مايوردىڭ ارەكەتى جۇرت نازارىنا ىلىكتى. بۇل جايتتى كۋاگەر ۆيدەوعا ءتۇسىرىپ، الەۋمەتتىك جەلىدە جاريالاعان. ۆيدەو جەلىدە تەز تاراپ، كوپشىلىكتىڭ قىزۋ تالقىلاۋىنا اينالدى. كەيىننەن بۇل جايتقا پوليسيانىڭ باسپا ءسوز قىزمەتى جاۋاپ بەردى.

بۇل تۋرالى Infohub.kz اقپارات اگەنتتىگى حابارلايدى.

نە بولدى؟

ۆيدەو اۆتورى پوليسيا بولىمشەسى ماڭىندا بىرنەشە جول ەرەجەسىنىڭ بۇزىلعانىن، سونىڭ ىشىندە كولىكتەردىڭ دۇرىس تۇراقتالماعانىن كورسەتتى. كادرلاردا الدىڭعى جانە ءبۇيىر تەرەزەلەرى قاراڭعىلانعان Mitsubishi كولىگى كورىنەدى. كەيىننەن كولىكتەن قاراڭعىلاعىش پلەنكا الىندى.

سونىمەن قاتار، بىرنەشە جۇرگىزۋشى «توقتاۋعا تىيىم سالىنادى» بەلگىسىنىڭ تالاپتارىن بۇزىپ، كولىكتەرىن تۇراققا قويعان. ۆيدەو اۆتورى پوليسيا مايورىنا جاقىنداپ، ونىڭ اتالعان بەلگىگە قاراماستان، اينالما جولعا تىم جاقىن كولىگىن قالدىرعانىن ايتتى.

انىقتاما: قازاقستان رەسپۋبليكاسى جول ءجۇرىسى قاعيدالارىنىڭ 12.4-تارماعىنا سايكەس، جۇرگىزۋشىلەرگە قيىلىستاردا، سونداي-اق اينالما جولدىڭ شەتىنەن 30 مەتر جاقىن جەردە توقتاۋعا جانە تۇراققا قويۋعا تىيىم سالىنادى.

اۆتور پوليسيا قىزمەتكەرلەرىمەن بىرگە بۇرىلىستان 30 مەتر قاشىقتىقتى ولشەپ، سول ايماقتا تۇرعان كولىكتەردىڭ مەملەكەتتىك نومىرلەرىن الدى. ولاردىڭ اراسىندا مايوردىڭ كولىگى دە بولدى. كادرلاردا مايوردىڭ پلانشەتكە حاتتاما تولتىرىپ جاتقانى كورىنەدى.

پوليسيانىڭ جاۋابى

الماتى وبلىستىق پوليسيا دەپارتامەنتىنىڭ حابارلاۋىنشا، انىقتالعان بارلىق فاكتىلەر بويىنشا شارالار قابىلداندى.

«جول ەرەجەسىن بۇزعان جۇرگىزۋشىلەر زاڭدا بەلگىلەنگەن تارتىپپەن جاۋاپكەرشىلىككە تارتىلدى»، - دەپ حابارلادى ۆەدومستۆو.

ۆەدومستۆو مالىمەتىنشە، ۆيدەوعا تۇسكەن جانە ەرەجە بۇزعان بارلىق جۇرگىزۋشىلەر جاۋاپكەرشىلىككە تارتىلىپ، ايىپپۇل سالىنعان. ايىپپۇل سومالارى ناقتىلانبادى. سونداي-اق، بۇزۋشىلارمەن الدىن الۋ اڭگىمەلەرى جۇرگىزىلدى.