تاسماعامبەتوۆ: ءبىلىم جۇيەسىنىڭ بارلىق جەلىسى قايتا جاڭارۋدا
ءبىلىم جۇيەسىنىڭ بارلىق جەلىسى قايتا جاڭارۋدا. بۇل تۋرالى بۇگىن 7ء-شى ازاماتتىق فورۋمدا ءسوز سويلەگەن ق ر پرەمەر-مينيستردىڭ ورىنباسارى يمانعالي تاسماعامبەتوۆ ايتتى.
ۆيسە-پرەمەر بۇگىنگى تاڭدا ۇكىمەت قولعا الىپ وتىرعان الەۋمەتتىك سالانىڭ بىرنەشە باعىتىن اتاپ ءوتتى جانە ءبىلىم بەرۋ جۇيەسىنىڭ ەرەكشە ماڭىزدىلىعىنا توقتالدى.
«بۇگىنگى تاڭدا وسى سالادا جاڭعىرتۋدىڭ جاڭا كەزەڭى باستالۋدا. ناقتىراق ايتقاندا، 2016 جىلدان باستاپ 2019 جىلعا دەيىن ورتا ءبىلىم ۇيىمدارى جۇيەسىندە كەزەڭ-كەزەڭىمەن وقىتۋدىڭ جاڭا مازمۇنىنا كوشۋ جوسپارلانعان. جاڭا وقۋلىقتار، باعدارلامالار مەن وقىتۋ ادىستەرى مەحانيكالىق وقىتۋدان فۋنكسيونالدىق ساۋاتتىلىققا باعىتتالادى، ياعني ءوز ءبىلىمى مەن داعدىلارىن لوگيكالىق قولدانۋعا ۇيرەتەتىن بولادى»، - دەدى يمانعالي تاسماعامبەتوۆ.
ۇبت جۇيەسىن جەتىلدىرۋ ءبىتىرۋ ەمتيحاندارى مەن جوو ءتۇسۋ ەمتيحاندارىن ءبولۋدى قاراستىرادى. بۇل بىتىرۋشىلەردىڭ تەرەڭ ءبىلىمىن، ءبىلىمنىڭ جۇيەلىلىگى، تولىقتىعى، تالداۋ، قورىتۋ، جىكتەۋ مۇمكىندىكتەرىن انىقتايتىن داعدىلارىن تەكسەرۋگە باعىتتالادى.
كاسىپتىك جانە تەحنيكالىق ءبىلىم بەرۋ سالاسىندا مامانداردى دايارلاۋدىڭ دۋالدى جۇيەسىنە كوشۋ جۇزەگە استى. بۇل 2017 جىلدان باستاپ تەگىن جۇمىسشى ماماندىقتارىن وقىتۋ بارىسىندا تەوريا مەن پراكتيكا اراسىنداعى كەمشىلىكتى جويۋعا كومەكتەسەدى.
«جوعارى ءبىلىم بەرۋ سالاسىندا جوو-نىڭ اۆتونومدىلىققا كوشۋى جانە ولاردىڭ اكادەميالىق، قارجىلىق تاۋەلسىزدىگىن كەڭەيتۋ جۇرگىزىلۋدە. وزدەرىڭىز بايقاپ وتىرعانداي، بارلىق ءبىلىم بەرۋ جەلىسى جاڭعىرتىلۋدا. اتالعان جاڭا وزگەرىستەردى ەندىرۋدە تالقىلاۋ، تالداۋ، ناقتىلاۋ پروسەسىنە سىزدەردى بەلسەنە قاتىسۋعا شاقىرامىز»، - دەدى پرەمەر-مينيستردىڭ ورىنباسارى.
You Might Also Like
-
جامبىل وبلىسى، قورداي اۋدانى جامبىل اۋىلى №26 جامبىل جابايەۆ اتىنداعى ورتا مەكتەپ 7 سىنىپ وقۋشىسى: دۋزەلبايەۆا ايگۋل جەتەكشىسى: مۋسيركەگەنوۆا اكشولپان جاكسىلىكوۆنا
-
تاۋەلسىزدىك - بارلىق قازاقستاندىقتار ءۇشىن اسا قاسيەتتى قۇندىلىق.
