InfoHub Logo

تاۋەلسىزدىك - بارلىق قازاقستاندىقتار ءۇشىن اسا قاسيەتتى قۇندىلىق.

                                                                                                         ن.ءا.نازاربايەۆ

قازاق – وتانشىل حالىق. قازاقتىڭ وتانشىل جۇرەگى – ورلىك پەن نامىسقا، ەرلىك پەن جاۋىنگەرلىككە تولى، «قۇلقىننىڭ ق ۇلى بولما، وتاننىڭ ۇلى بول»، «يت تويعان جەرىنە، ەر تۋعان جەرىنە»، - دەپ ايتۋى وسىدان. وتان – تابيعي، تاريحي، الەۋمەتتىك، ساياسي، مادەني ورتا، ادام بالاسىنىڭ تىرشىلىگىنىڭ نەگىزى. ءار حالىقتىڭ ءوز وتانىن ءسۇيۋى - زاڭدىلىق. ەگەر ءبىز پەندەشىلىك جاساماي، ءوز ۇلتىمىزدى «ەلدەن ەرەك، كوپتەن بولەك» دەپ قاراماي، ونى ادام بالاسىنىڭ قۇرامدى بولىگىندە قاراپ، باسقا ۇلتقا وگەيلىك كورسەتپەسەك، وتانسۇيگىشتىك، ۇلتجاندىلىق، جاسامپازدىق قاسيەتىمەن جارقىراي تۇسەر ەدىك. قازاق حالقىنىڭ وتانى، تۋىپ-وسكەن، كىندىك قانى تامعان باسقا قازاقستاندىقتاردىڭ وتانى - قازاقستان. ونىڭ ۇستىنە قازاقستان – قازاق حالقىنىڭ اتا مەكەنى. ۇلتتىق پاتريوتيزممەن قازاقستاندى ءوز وتانى ساناعان باسقا ۇلت وكىلدەرىنىڭ ءپاتريوتيزمى ءبىر ارناعا قوسىلىپ، بۇكىل قازاقستاندىق ءپاتريوتيزمدى قۇرايدى. ءبىزدىڭ وتانىمىز – تاۋەلسىز قازاقستان. تاۋەلسىزدىك ءبىزدىڭ حالىققا تەگىن كەلمەدى. تالاي ۇرپاق زار جىلاپ، جاپا شەكتى، ومىرلەرى وكسىكپەن ءوتتى. تاۋەلسىز قازاقستان...قانداي ۇلى ۇعىم. جانىڭدى جادىراتىپ، كوڭىلىڭدى كوتەرەدى. وتانسۇيگىش ۇرپاق سول تاۋەلسىزدىكتى باياندى ەتۋگە قىزمەت ەتۋى كەرەك. ەڭ الدىمەن ەلىمىز ساياسي تاۋەلسىزدىك جاريالادى. ءبىز تاۋەلسىز ەلمىز. تاريحقا ۋاقىت قاس-قاعىمداي. ويتكەنى عاسىرلاردى قۇشاقتاپ، اياسىنا العان ۋاقىت تالاي حالىقتىڭ، تالاي ۇلى يمپەريالاردىڭ تاۋەلسىزدىگىن كورگەن... سولاي بولا تۇرسا دا، بىزگە ءبىزدىڭ ءوز تاۋەلسىزدىگىمىز قىمبات. ول بىزگە قىمبات – اتا-بابانىڭ رۋحىن كوتەرگەنى ءۇشىن! ول بىزگە قىمبات-سونگەن مەملەكەتىمىزدىڭ وتىن مازداتىپ،جاندىرعانى ءۇشىن! ول بىزگە قىمبات – ەلىمىزدى قاتارعا قوسىپ، الەمدىك قاۋىمعا ەندىرگەنى ءۇشىن! ول بىزگە قىمبات – اتا-تاريحىمىزدى، انا ءتىلىمىزدى، ءدىنىمىزدى، ءدىلىمىزدى قاز-قاتار تۇرعىزىپ، «قازاق» دەگەن اتاۋعا قان مەن جان كىرگىزگەنى ءۇشىن! «تاۋەلسىزدىك» دەگەن – جاي تەرمين ءسوز ەمەس. تاۋەلسىزدىك، شىن مانىندە، اۋقىمدى دا تەرەڭ قۇبىلىس. ول ەڭ الدىمەن ساياسي تاۋەلسىزدىك.

سولتۇستىك قازاقستان وبلىسى، جامبىل اۋدانى
بلاگوۆەششەنكا سەلوسى «بلاگوۆەششەنكا №2 ورتا مەكتەبى» كمم
كىتاپحاناشى: كامەنوۆا ايگۇمىس قايسا قىزى

---