InfoHub Logo

تاستانبەكوۆ قۇمان نۇرماعان ۇلى (10 ناۋرىزدا 1945 جىلى، قازاق كسر الماتى وبلىسى سارقانت اۋدانى، ەكىاشا اۋىلى — 17 جەلتوقساندا 2017 جىلى قازاقستان الماتى) — كينو جانە تەاتر اكتەرى، قازاقستاننىڭ حالىق ءارتىسى. 1969 جىلى الماتى ونەر ينستيتۋتىنىڭ (قازىرگى قازاق ۇلتتىق كونسەرۆاتورياسى) اكتەرلىك فاكۋلتەتىن بىتىرگەن سوڭ قازاق اكادەميالىق دراما تەاترىنىڭ قۇرامىنا قابىلداندى.

ونىڭ العاش ويناعان ءرولى — «قىز جىبەك» فيلمىندەگى تولەگەن. بۇدان كەيىنگى كينوداعى رولدەرى: مۇحامەدوۆ («قىس — مازاسىز ماۋسىم»، )، عاني («اعام مەنىڭ»)، باقىت («ەرەكشە كۇن»)، سەمەتەي («اققۋلار ۇشىپ كەلەدى»)، نۇربەك («ماحاببات جاڭعىرىعى»)، ساكەن («اعاما ارنالعان قالىڭدىك»)، مۇرات («قاراشا قازدار قايتقاندا»)، ەركىن («پروۆينسيالىق حيكايا»)، بولات («ورنەك)، ت.ب. سەزىم شىنايىلىعى، پسيحولوگيالىق بوياۋعا دەن قويۋ — ونىڭ اكتەرلىك ونەرىنە ءتان قاسيەت. ول تەاتر ساحناسىندا قاسىم، قۇلبەك (ش. ايتماتوۆتىڭ «انا — جەر-اناسى» مەن «اق كەمەسى» بويىنشا)، الىبەك، نارشا، ابىز (م.اۋەزوۆتىڭ «ايمان — شولپان»، «قاراگوز» جانە «ەڭلىك — كەبەگى» بويىنشا)، تاڭىربەرگەن (ءا.نۇرپەيىسوۆتىڭ «قان مەن تەرى» بويىنشا)، جان (و.بوكەيەۆتىڭ «قۇلىنىم مەنىڭىندە»،) ت.ب. سەكىلدى ءار الۋان رولدەردى سومداپ، قىزعىلىقتى مىنەز-كەيىپتەر جاسادى. ول — 1976 جىلدان قازاقستان كومسومول سىيلىعىنىڭ لاۋرەاتى. پاراسات جانە قۇرمەت وردەندەرىنىڭ يەگەرى.

---