InfoHub Logo

ساباقتىڭ تاقىرىبى: «تاۋەلسىزدىك - ەل باقىتى»
ساباقتىڭ ماقساتى: وقۋشىلاردىڭ بويىندا ەلىنە، جەرىنە، ۇلتىنا دەگەن
پاتريوتتىق سەزىمىن قالىپتاستىرۋ.
مىندەتتەرى: توپ جۇمىستارىنا بەلسەنە ارالاسۋ تاپسىرمالارىن بۇلجىتپاي
ورىنداۋ
توپتىق جۇمىس ءبىر - بىرىمەن پىكىرلەسە وتىرىپ، ورتاق قورىتىندى
شىعارادى.
ساباقتىڭ كورنەكىلىگى: 1) ينتەراكتيۆتى تاقتا، سيتاتا جازىلعان پلاكاتتار،
شارلار، گۇلدەر.
ساباقتىڭ بارىسى:
ءى ۇيىمداستىرۋ ءبولىمى.
( سالەمدەسۋ، وقۋشىلاردى تۇگەندەۋ، كلاسس تازالىعىن تەكسەرۋ، وقۋشىلاردىڭ
نازارىن ساباققا اۋدارتۋ).
سىنىپتى ءۇش توپقا ءبولۋ:
1 - توپ - «ەلتاڭبا»
2 - توپ - «اتا زاڭ»
3 - توپ - «تۋ»

قۇرمەتتى ۇستازدار، قىمباتتى وقۋشىلار! قازاقستان رەسپۋبليكاسىنىڭ تاۋەلسىزدىگىنىڭ 20 جىلدىعىنا ارنالعان «تاۋەلسىزدىك – ەل باقىتى» اتتى تاربيە ساعاتىمىزعا قوش كەلدىڭىزدەر.
اتىڭنان اينالايىن، ەگەمەندى ەل،
تاۋەلسىز كۇنىڭ تۋدى كەنەلە بەر.
مەرەيىڭ قۇتتى بولسىن، تاۋەلسىزدىك،
عاسىردىڭ تۋى بولشى كەلە بەرەر! - دەپ، بارلىعىڭىزدى تاۋەلسىزدىك مەرەكەسىمەن قۇتتىقتاي وتىرىپ، سىزدەرگە اشىق اسپان، جۇزدەرىڭىزگە كۇلكى، قۇشاقتارىڭىزعا زور قۋانىش، ەڭبەكتەرىڭىزگە مول تابىس تىلەيمىز.
باقىت، تىرلىك – كۇن تالابى،
توقتامايدى شاتتىق ءانى.
ماڭگى باقي شىرقالادى،
رەسپۋبليكام ءانۇرانىم
حور: ءانۇران.
ياعني، بۇگىن ءبىز تاربيە ساعاتىمىزدى جارىس تۇرىندە وتكىزەمىز. الدىمەن وقۋشىلاردى 3 توپقا بولەمىز:
1 - توپ - «ەلتاڭبا»
2 - توپ - «اتا زاڭ»
3 - توپ - «تۋ»
ەندى جارىس بولعاننان كەيىن جەڭىمپازدار انىقتالۋى كەرەك. ءادىلقازىلىق جاساۋ ءۇشىن ۇستازدارىمىزدى ورتاعا شاقىرامىز. ولاي بولسا، ءادىلقازى مۇشەلەرىن تانىستىرىپ وتەيىن:
1. سماعۇلوۆا رايا اپاي
2. وماروۆا جىبەك اپاي
3. قۇرمانوۆا گۇلميرا اپاي

جالپى ءبىزدىڭ كەشىمىز 4 كەزەڭنەن تۇرادى.
1) تانىستىرۋ.
2) 2) سۇراق – جاۋاپ
3) ءوز ونەرىن كورسەتۋ.
4) 4) «جالعاسىن تاپ...» ويىنى.

كوك بايراق يىلمەسىن، جىعىلماسىن،
كوزگە جاس، كەۋدەگە وكسىك تىعىلماسىن.
تۇرعاندا كوكشىل تۋىڭ كوكتى تىرەپ،
قازاعىم سەن قاشان دا تۇعىرداسىڭ - دەپ كەزەكتى سايىسكەرلەرگە بەرەمىز.
توپ باسشىلارى:
«ەلتاڭبا» توبى – امانگەلدييەۆا ەركەجان.
«اتا زاڭ» توبى – عابدوللا اسەم.
«تۋ» توبى – ءابدىراحمانوۆا بەيبىنۇر
ولار ءوز ەمبلەمالارىن تانىستىرىپ شىعادى.

ءىى كەزەڭ. «سۇراق – جاۋاپ»
ءار توپقا 5 سۇراقتان قويىلادى.
«ەلتاڭبا» توبى: 1. وتانىڭ قالاي اتالادى؟ (قازاقستان)
2. اتا زاڭدارىڭ بار ما؟ ول قاشان قابىلداندى؟ (1995 جىلى 30 تامىزدا)
3. مەملەكەتىڭنىڭ استاناسى قالاي اتالادى؟ (استانا)
4. تۋدىڭ اۆتورى كىم؟ (ش. نيازبەكوۆ)
5. ۇلتتىق ۆاليۋتامىز قالاي اتالادى؟ (تەڭگە)

«اتا زاڭ» توبى: 1. ق. ر. تۇڭعىش عارىشكەرى كىم؟ (ت. اۋباكىروۆ)
2. ول قاي جىلى عارىشقا ۇشتى؟ (1991 جىلى 2 قازاندا)
3. ق. ر مەملەكەتتىك رامىزدەرىن اتا: (تۋ، ەلتاڭبا، ءانۇران)
4. مەملەكەتىڭنىڭ پرەزيدەنتى كىم؟ (ن. نازاربايەۆ)
5. وتان قورعاۋشىلار كۇنى: (7 مامىر)

«تۋ» توبى: 1. بايتەرەك مۇناراسى قاي قالادا ورنالاسقان؟ (استانا)
2. ءانۇراننىڭ مۋزىكاسىن جانە ءسوزىن جازعان كىم؟ (ش. قالداياقوۆ، ج. ناجىمەدەنوۆ ن. نازاربايەۆ)
3. قازاقستانداعى ەڭ ۇلكەن مۇز ايدىنى قالاي اتالادى؟ (مەدەۋ مۇز ايدىنى)
4. سەن تۇراتىن وبلىس قالاي اتالادى؟ (اقتوبە)
5. ق. ر. مەملەكەتتىك رامىزدەر كۇنى: (4 ماۋسىم)

ءان: «تۋعان جەر». ورىندايتىندار: قوجەلى ق، باتىربايەۆ ق، تارعان د، يماشيەۆا ا، امانگەلدييەۆا ە، وسپانوۆ ا.
ەندىگى كەزەكتى وقۋشىلاردىڭ تاقپاقتارىنا بەرەيىك:
1 - وقۋشى: ءالىم اباتاي
2 - وقۋشى: ارمان اقسامال
....
ءىىى كەزەڭ. «ءوز ونەرىن كورسەتۋ»
«ەلتاڭبا» توبى – بي
«اتا زاڭ» توبى – بي
«تۋ» توبى – ءان

توپىراعىممەن تامىرلاسىپ كىندىگىم،
قۋانىشتان جۇرەك تولقىپ تۇر بۇگىن.
نىعايتامىن ەلدىگىمنىڭ تۇعىرىن،
بەرىك ۇستاپ تاۋەلسىزدىك تىزگىنىن، - دەي كەلە

ءىV كەزەڭ «جالعاسىن تاپ...» ويىنىنا بەرەمىز.

ەندىگى كەزەكتى ءادىلقازى مۇشەلەرىنە بەرەمىز. (شىعىپ سويلەپ، جەڭىمپاز انىقتالادى).
تولە بي ءوز سوزىندە بىلاي دەگەن ەكەن:
ۋا، حالقىم، ءسوز ءقادىرىن بىلەسىڭ.
جاڭبىر جاۋماسا جەر جەتىم، باسشىسى بولماسا ەل جەتىم
كوسىلە شابار جەرىڭ بار.
تۋ كوتەرگەن ەلىڭ بار،
قول باستايتىن ەرىڭ بار
اتادان قالعان سارا جولىڭ بار.
قۇرمەتتى ۇستازدار، وقۋشىلار. وسى تاۋەلسىز ەلىمىزدىڭ نامىسىن قورعايتىن، بۇگىنىمىزدى ەرتەڭىمىزگە جالعايتىن، قازاق ەلىنىڭ ەرتەڭى، بولاشاعى ءۇشىن جاۋاپ بەرەتىن ۇرپاق ەكەنىمىزدى سەزىنەمىز.
حور: «قازاقستان»
ساباق اياقتالدى، ساۋ بولىڭىزدار!