تاۋەلسىزدىك — ەلىمنىڭ ەرلىك جولى
№ 49 جالپى ورتا ءبىلىم بەرەتىن مەكتەبىنىڭ
4 "ءا"- كلاسس وقۋشىسى جۇنىسبەك قىزى ادەمى
ابدەنوۆا گۇلدانا دۋيسەنبايەۆنا
"قازاقستان" دەگەن جالعىز اۋىز ءسوزدىڭ قۇدىرەتىن وسى ەلدە تۋىپ-وسكەن ءاربىر ۇل-قىزدارىمىز سەزىنۋى پارىز. بۇل ءسوز ءبارىمىزدىڭ قانىمىز بەن جانىمىزدىڭ اجىراماس ءبىر قۇرامدى بولىگى دەپ ايتسام ارتىق ەمەس - دەپ ويلايمىن.
تالاي ەر جۇرەك باتىرلارىمىز بەن ارۋ اپالارىمىز تاۋەلسىزدىككە جەتۋ جولىندا جانىن قيىپ، ەلىمىز ەشكىمگە تاۋەلدى بولماۋى ءۇشىن قورعاپ قالدى. ولار "قازاقستان" دەگەن ەلىمىزدىڭ ءوز باسشىسى بولعانىن قالادى. قايرات، ءلاززات، سابيرا، ەربول سىندى اعا-اپالارىمىز "جەلتوقسان وقيعاسىنا" قاتىسىپ، جازىقسىز ازاپتالىپ، جالا جابىلىپ، ىزعارلى جەلتوقساندا مۇز جاستانىپ، جاس ومىرلەرى قيىلدى. ارينە تاۋەلسىزدىككە ءبىزدىڭ ەلىمىز قانشاما قيىندىقپەن جەتكەندىگىن، وسىنداي اعا-اپالارىمىزدىڭ ەرلىگىنىڭ ارقاسى ەكەندىگىن ەستەن شىعارماۋىمىز كەرەك. ءاردايىم ەرلىكتەرىن ماقتان ەتىپ، تاۋەلسىز مەملەكەت ەكەنىمىزدى الەمگە پاش ەتەمىز. قازىرگى تاڭدا تاۋەلسىزدىك - بارلىعىمىز ءۇشىن ەرەكشە قاسيەتتى كۇن. تاتۋلىق پەن بىرلىكتىڭ كۇنى. ەلىمىزدىڭ تاۋەلسىزدىگى — ەڭ الدىمەن حالقىمىزدىڭ باقىتى.
بولاشاقتا وسىنداي تاۋەلسىز ەلىمىزدىڭ كوركەيىپ، دامۋىنا كىشكەنتاي دا بولسا ءوز ۇلەسىمدى قوسقىم كەلەدى. ول ءۇشىن كوپ ىزدەنىپ، جاقسى ءبىلىم الىپ، اتا-انا مەن ۇستازدارىمىزدىڭ ەڭبەكتەرىن اقتاپ، بيىك -بيىك بەلەستەردى باعىندىرسام دەپ ويلايمىن. بۇل بارلىق بالالاردىڭ ارمانى.
"تاۋەلسىزدىك — ەلىمنىڭ ەرلىك جولى" -دەگەندەي، تاۋەلسىزدىگىمىزدى ساقتاپ، قۇرمەتتەپ، ونىمەن ماقتانۋىمىز كەرەك. ويتكەنى كوپتەگەن حالىقتار ءوز ەلىن، جەرىن، ءتىلىن قايتارۋدى ارماندايدى. ءبىز دە اتا-بابالارىمىزدىڭ ەڭبەگىن باعالاپ، ۇلى باتىرلارىمىز ۇمىتپاۋىمىز كەرەك!
You Might Also Like
-
№ 47 جالپى ورتا ءبىلىم بەرەتىن مەكتەبىنىڭ 1 "ءا"- كلاسس وقۋشىسى ەرشين سابىرجان باعۇلان ۇلى يمانوۆا گۇلىم امانعالي قىزى
-
العاشقى كومپيۋتەر 70 جىلدان استام ۋاقىت بۇرىن پايدا بولعان، سودان بەرى باعدارلامالاۋ ءتىلىنىڭ جۇزدەگەن ءتۇرى ويلاپ تابىلدى. ۇسىنىلىپ وتىرعان بۇل ماقالادا «ينتەرپرەتاتور»، «پوليمورفي...
