InfoHub Logo

لاتىن الىپبيىنە كوشەمىز دەگەنشە ەكى نۇسقانىڭ باسىن شالىپ كوردىك. اۋەلگىسى قازاققا ءتان دىبىستاردى ديگرافپەن، ودان كەيىنگىسى اپوستروفتارمەن كومكەردى. مەنىڭشە لاتىنعا كوشۋ دەگەن - تەك اعىلشىندا بار ارىپتەردى قولدانۋ دەگەن ءسوز ەمەس. ءتىپتى اعىلشىندارعا تۋىس بولىپ كەلەتىن نەمىستەردىڭ ءوزى نەمىس كلاۆياتۋراسىنا ءوز ەسەبىنەن ءۇش ءارىپ قوسىپ قويعان. كلاۆياتۋرا دەگەننەن شىعادى، لاتىن الىپبيىنە كوشكەن ەلدەردىڭ دەرلىك بارلىعىندا كلاۆياتۋرا بار، نەگە ءبىر ءالىپبيدى قولدانا وتىرىپ ءارقايسىسىنىڭ ءوز كلاۆياتۋراسى بار..؟ ويتكەنى ءارقايسىسىنىڭ عاسىرلار بويى قالىپتاسقان وزىندىك دىبىستارى بار، وعان ارينە اعىلشىننىڭ ساناۋلى ارىپتەرى جاۋاپ بەرە المايدى. سوندىقتان لاتىن الىپبيىنە كوشكەن ءار ەل وزىنە ءتان دىبىستارمەن تاڭبالار سانىن تولىقتىرىپ قويدى، سول سەبەپتى تۇرىك كلاۆياتۋراسىن بىلاي قويعاندا نەمىستەردىڭ دە، دانيالىقتاردىڭ دا كلاۆياتۋراسى بار. ءار حالىقتىڭ تىلىندە وزىنە ءتان دىبىس بار دەدىك، سوندىقتان ءارقايسىسىنىڭ وزىنە ءتان كلاۆياتۋراسى بار دەدىك. قازاقتا شە؟ وسى الەمدەگى تىلدەردىڭ دىبىسى جاعىنان قازاق تىلىنە تەڭ كەلەرى جوق شىعار، ءا، ع، ق، ءو، ڭ، ۇ، ءۇ، ونىڭ بارىنە اپوستروفتاردى قولداناتىن بولساق... جازۋ جىلدامدىعىمىز تومەندەپ كەتەدى. ءبىز كومپيۋتەرگە سايكەس كەلۋ جولىن قاراستىرىپ جاتىرمىز، ول تۇسىنىكتى. سول كومپيۋتەرگە ءا، ع تەكتەس تاڭبالاردى ەنگىزگەندەي لاتىنشاعا قوسقان تاڭبامىزدى دا ەنگىزە الماس پا ەكەنبىز؟ ءبارىبىر ءبىزدىڭ دىبىسىمىز اعىلشىندار ءۇشىن تۇسىنىكسىز، "ا"-عا "ە"ء-نى قوسىپ جازساق تا، اپوستروفتى قوسىپ جازساق تا، "ءا" ءوزىمىزدىڭ جانىمىزدا قالاتىن ءارىپ. ەندەشە، مەن دە ءوز نۇسقامدى ۇسىنىپ كورەيىن. ماسەلە ءالىپبي قۇراستىرىپ، تاريحتا اتىڭدى قالدىرۋ ەمەس، ماسەلە قازاق ءتىنىنىڭ جازۋداعى جەڭىلدىگىندە، كوركەمدىگىندە بولىپ تۇر. قازاقستان ازاماتى رەتىندە مەن دە ءوز ۇسىنىسىمدى جاساۋعا قاقىم بار دەپ ويلايمىن. ەگەر اپوستروفتاردى قالامايتىن بولساڭىزدار، مەنىڭ ۇسىنىسىما كوز جۇگىرتىپ، وي ەلەگىنەن وتكىزەسىزدەر دەگەن ۇمىتتەمىن.

---