InfoHub Logo

تاياۋ شىعىستاعى شيەلەنىس پەن اقش-تىڭ يرانعا قاتىستى ساياساتىنداعى وزگەرىستەر قازاقستاننىڭ ۆاليۋتا نارىعىنا اسەرىن تيگىزدى. 8 ساۋىردە ەلىمىزدىڭ ايىرباس پۋنكتتەرىندە دوللار باعامى كۇرت كوتەرىلدى.

بۇل تۋرالى Infohub.kz اقپارات اگەنتتىگى حابارلايدى.

اقش دوللارىنىڭ تەڭگەگە شاققانداعى باعامى 8 ساۋىردە

استانا ۋاقىتىمەن ساعات 11:00-دەگى مالىمەت بويىنشا، استاناداعى ايىرباس پۋنكتتەرىندە دوللاردى ورتاشا ەسەپپەن 475 تەڭگەدەن ساتۋدا، ال 468 تەڭگەدەن ساتىپ الۋدا. الماتىدا امەريكاندىق ۆاليۋتانى ساتۋ باعامى 476 تەڭگە بولسا، ساتىپ الۋ باعامى ورتاشا ەسەپپەن 473 تەڭگەنى قۇرادى.

بۇعان دەيىن، 7 ساۋىردە قازاقستان قور بيرجاسىنداعى (KASE) كۇندىزگى ساۋدا قورىتىندىسى بويىنشا دوللاردىڭ ورتاشا سارالانعان باعامى 460،37 تەڭگە بولعان ەدى. بۇل كورسەتكىش 4،88 تەڭگەگە تومەندەگەن.

سول كۇنى استاناداعى ايىرباس پۋنكتتەرىندە دوللاردىڭ ورتاشا ساتۋ باعاسى 463،96 تەڭگە، ساتىپ الۋ باعاسى 456،96 تەڭگە بولدى. الماتىداعى ايىرباس پۋنكتتەرىندە دوللاردىڭ ورتاشا ساتۋ باعامى 464،33 تەڭگە، ساتىپ الۋ باعامى 461،73 تەڭگە بولدى.

8 ساۋىرگە ارنالعان رەسمي دوللار باعامى

ۇلتتىق بانكتىڭ 8 ساۋىرگە بەلگىلەگەن رەسمي باعامى – 460،37 تەڭگە.

اقش پەن يران اراسىنداعى بىتىمگە كەلۋگە بايلانىستى مۇناي باعاسى تومەندەدى

ەستەرىڭىزگە سالا كەتەيىك، بۇعان دەيىن اقش پرەزيدەنتى دونالد ترامپ يرانعا سوققى جاساۋدى ەكى اپتاعا توقتاتا تۇرۋعا كەلىسكەنىن مالىمدەگەن بولاتىن. اقش باسشىسىنىڭ ايتۋىنشا، بۇل ەكىجاقتى ءبىرجاقتى اتىستى توقتاتۋ بولادى. اق ءۇي وكىلى ۆاشينگتون تەگەراننان 10 تارماقتان تۇراتىن ۇسىنىس العانىن جانە ونى كەلىسسوزدەر ءۇشىن «جۇمىس نەگىزى» رەتىندە قاراستىراتىنىن ءتۇسىندىردى.

يران تاراپىنان دا ەكى اپتالىق ءبىتىم ۋاقىتىندا ورمۋز بۇعازىن اشۋعا دايىن ەكەندىكتەرى تۋرالى مالىمدەمە جاسالدى.

وسى حابارلامالاردان كەيىن مۇناي باعاسى كۇرت قۇلدىرادى. ماسەلەن، 7 ساۋىردە Brent ماركالى مۇنايدىڭ باعاسى باررەلىنە 107-110 دوللار ارالىعىندا تەربەلسە، ءتۇن ورتاسىنان كەيىن ول كۇرت تومەندەپ، 93 دوللارعا جۋىقتاپ قالدى. قازىرگى ۋاقىتتا ICE لوندوندىق بيرجاسىندا Brent ماركالى مۇنايدىڭ ماۋسىمدىق فيۋچەرستەرى باررەلىنە شامامەن 94 دوللار دەڭگەيىندە ساۋدالانۋدا.

WTI ماركالى مۇنايدىڭ باعاسى 14 پايىزدان استامعا ارزانداپ، باررەلىنە 95 دوللارعا دەيىن تومەندەدى.