InfoHub Logo

قازاقستان قور بيرجاسىنداعى (KASE) كۇندىزگى ساۋدا سەسسياسىنىڭ قورىتىندىسى بويىنشا دوللاردىڭ ورتاشا سارالانعان باعامى 4،91 تەڭگەگە ءوسىپ، 502،60 تەڭگە بولدى. بۇل كورسەتكىش دوللاردىڭ 500 تەڭگەلىك «پسيحولوگيالىق مەجەسىن» قايتا اتتاعانىن بىلدىرەدى.

بۇل تۋرالى Infohub.kz اقپارات اگەنتتىگى حابارلايدى.

ۇلتتىق بانكتىڭ 2 ناۋرىزعا بەلگىلەگەن رەسمي باعامى – 497،56 تەڭگە.

ايىرباستاۋ پۋنكتتەرىندەگى دوللار باعامى

Kurs.kz مالىمەتىنشە، استانا مەن الماتىداعى ايىرباستاۋ پۋنكتتەرىندە دوللاردىڭ ورتاشا باعامى كەلەسىدەي:

الماتىداعى ايىرباستاۋ پۋنكتتەرىندەگى ورتاشا باعام:

استاناداعى ايىرباستاۋ پۋنكتتەرىندەگى ورتاشا باعام:

ەستەرىڭىزگە سالا كەتەيىك، بۇعان دەيىن قازاقستان ۇلتتىق بانكى ۆاليۋتا نارىعىنداعى جاعداي مەن تەڭگەنىڭ اقپان ايىنداعى باعامىنىڭ وزگەرۋىنە قاتىستى پىكىر بىلدىرگەن بولاتىن. اقپان ايىنىڭ قورىتىندىسى بويىنشا تەڭگە باعامى 0،7 پايىزعا نىعايىپ، 497،69 تەڭگەگە جەتكەن. قور بيرجاسىنداعى ساۋدا-ساتتىقتىڭ ورتاشا كۇندىك كولەمى ايىنا 306 ميلليون دوللاردان 335 ميلليون دوللارعا دەيىن ارتتى. جالپى ساۋدا كولەمى 6،7 ميلليارد دوللاردى قۇرادى.

سونداي-اق، 23 قاڭتاردا ۇلتتىق بانك بازالىق مولشەرلەمە بويىنشا شەشىم قابىلداعان ەدى. ول بۇرىنعى دەڭگەيدە – 18 پايىز بولىپ ساقتالدى. ۇلتتىق بانك ءتوراعاسى تيمۋر سۇلەيمەنوۆتىڭ ايتۋىنشا، بۇل مولشەرلەمە الداعى التى ايدا وسى دەڭگەيدە قالۋى مۇمكىن. بۇل ينفلياسيالىق قىسىمدى تەجەۋگە جانە باعانىڭ ءوسۋىن باسەڭدەتۋگە باعىتتالعان. الايدا، ەگەر بۇل شارالار جەتكىلىكسىز بولسا، ۇلتتىق بانك اقشا-كرەديت ساياساتىن ودان ءارى قاتايتۋعا دايىن ەكەنىن مالىمدەدى.