tengrinews.kz
The New York Times: بەدەلدى باسىلىم يرانداعى سوعىستان كىم ۇتتى دەپ اتادى
The New York Times (NYT) باسىلىمى يرانداعى سوعىس جاعدايىنان كىمدەر پايدا تاپقانىن سارالاپ، بەس ەلدى اتاپ ءوتتى. بۇل ەلدەرگە اقش، نورۆەگيا، برازيليا، رەسەي جانە قازاقستان كىرەدى. ولاردىڭ نەگىزگى تابىسى مۇناي ساتۋدان تۇسكەن پايدا ەسەبىنەن ارتقان.
بۇل تۋرالى Infohub.kz اقپارات اگەنتتىگى حابارلايدى.
باسىلىمنىڭ جازۋىنشا، پارسى شىعاناعىنداعى شيەلەنىس پەن ورمۋز بۇعازىنىڭ ءىشىنارا جابىلۋى الەمدىك مۇناي باعاسىنىڭ كۇرت وسۋىنە سەبەپ بولدى. بۇل جاعداي ەنەرگيا رەسۋرستارىن ەكسپورتتايتىن ەلدەرگە قوسىمشا تابىس اكەلدى.
اقش پەن رەسەيدىڭ پايداسى
اقش مۇناي، ديزەل وتىنى جانە باسقا دا ەنەرگيا تاسىمالداۋشىلاردىڭ ەكسپورتىن ارتتىردى. NYT باعالاۋى بويىنشا، اقش-تىڭ ەنەرگيا رەسۋرستارىن تەڭىز ارقىلى ەكسپورتتاۋ كولەمى جىلىنا 145 ميلليون باررەلگە ۇلعايىپ، قوسىمشا تابىسى شامامەن 50 ميلليارد دوللاردى قۇرادى. رەسەي دە مۇناي باعاسىنىڭ وسۋىنەن پايدا كورگەن ەلدەردىڭ قاتارىنا قوسىلدى.
پارسى شىعاناعى ەلدەرىنىڭ جاعدايى
پارسى شىعاناعى ەلدەرىنىڭ اراسىندا جاعداي ءار ءتۇرلى بولدى. ساۋديا ارابياسى مەن بىرىككەن اراب امىرلىكتەرى ورمۋز بۇعازىنا اينالما جولدار ارقىلى ەكسپورتتى ءىشىنارا ساقتاپ قالا الدى. دەگەنمەن، ساۋديا ارابياسىنىڭ ەكسپورت كولەمى 150 ميلليون باررەلدەن اسسا دا، تابىسى 9،2 ميلليارد دوللارعا ءوستى.
ال يراك، كۋۆەيت جانە كاتار سياقتى ەلدەر ورمۋز بۇعازى ارقىلى ەكسپورتقا تاۋەلدى بولعاندىقتان جانە بالامالى ەكسپورتتىق جولدارى بولماعاندىقتان، ەڭ اۋىر زارداپتاردى تارتتى. يراكتىڭ شىعىنى شامامەن 15 ميلليارد دوللارعا باعالاندى.
بولاشاققا جوسپار
باسىلىمنىڭ اتاپ وتۋىنشە، ايماقتاعى كوپتەگەن ەلدەر بۇعازعا اينالما جولدارمەن جاڭا قۇبىرلار سالۋدى تالقىلاي باستادى. الايدا، بۇل جوبالاردى جۇزەگە اسىرۋ ءۇشىن ميللياردتاعان ينۆەستيسيا مەن بىرنەشە جىل ۋاقىت قاجەت بولادى.
-
سينوپتيكتەر ەلىمىزدىڭ بىرنەشە وبلىسىندا اۋا رايىنىڭ كۇرت وزگەرەتىنىن حابارلادى. تۇرعىنداردى ۇسىك، قار، داۋىلدى جەل مەن تۇماننان ساق بولۋعا شاقىردى.
-
The New York Times identifies key beneficiaries of rising global oil prices amid tensions in the Persian Gulf، including the US، Norway، Brazil، Russia، and Kazakhstan.
