InfoHub Logo

جەكسەنبى كۇنى قازاقستاننىڭ بىرنەشە وڭىرىندە اۋا رايى كۇرت ناشارلايدى. «قازگيدرومەت» رمك سينوپتيكتەرى ۇسىك، قار جانە داۋىلدى جەلگە بايلانىستى داۋىلدى ەسكەرتۋ جاريالادى.

بۇل تۋرالى Infohub.kz اقپارات اگەنتتىگى حابارلايدى.

ايماقتارداعى اۋا رايى بولجامى

اباي وبلىسىنىڭ سولتۇستىگىندە تۇندە جانە تاڭەرتەڭ تۇمان تۇسەدى، باتىسىندا تۇندە 1 گرادۋس ۇسىك كۇتىلەدى. شىعىس قازاقستان وبلىسىنىڭ سولتۇستىگى مەن شىعىسىندا تۇندە جاڭبىر مەن قار تۇرىندە جاۋىن-شاشىن بولۋى ىقتيمال، سونداي-اق 2 گرادۋس ۇسىك بولجانادى. اقمولا، پاۆلودار جانە سولتۇستىك قازاقستان وبلىستارىنىڭ كەي جەرلەرىندە تۇندە جانە تاڭەرتەڭ تۇمان تۇسەدى. بۇل وڭىرلەردە جوعارى ءورت ءقاۋپى ساقتالادى.

اقتوبە وبلىسىنىڭ وڭتۇستىگى مەن ورتالىعىندا كۇندىز شاڭدى داۋىل تۇرىپ، جەلدىڭ ەكپىنى سەكۋندىنا 23 مەترگە دەيىن جەتۋى مۇمكىن. اتىراۋ وبلىسىنىڭ باتىسىندا تۇندە جاڭبىر جاۋىپ، نايزاعاي ويناسا، وزگە اۋداندارىندا شاڭدى داۋىل سوعادى. باتىس قازاقستان وبلىسىنىڭ باتىسىندا تۇندە وتكىنشى جاڭبىر مەن نايزاعاي كۇتىلەدى، كۇندىز شاڭدى داۋىل كوتەرىلەدى.

الماتى وبلىسىنىڭ سولتۇستىگى مەن باتىسىندا جەل ەكپىنى سەكۋندىنا 18 مەترگە دەيىن كۇشەيەدى. جەتىسۋ وبلىسىنىڭ شىعىسى مەن ورتالىعىندا سولتۇستىك-شىعىستان سوعاتىن جەلدىڭ ەكپىنى كەي كەزدەرى 25 م/س بولادى. جامبىل وبلىسىنىڭ تاۋلى اۋداندارىندا نايزاعاي ويناپ، وتكىنشى جاڭبىر جاۋادى، جەل ەكپىنى 23-28 م/س دەيىن جەتۋى مۇمكىن. تۇركىستان وبلىسىنىڭ سولتۇستىگىندە شاڭدى داۋىل بولجانادى، جەل ەكپىنى 23 م/س قۇرايدى. شىمكەنتتە جەل ەكپىنى 15-20 م/س بولادى.

قاراعاندى وبلىسىنىڭ وڭتۇستىگىندە سولتۇستىك-شىعىستان سوعاتىن جەلدىڭ ەكپىنى سەكۋندىنا 15-20 مەترگە جەتەدى. ۇلىتاۋ وبلىسىندا جەلدىڭ ەكپىنى تاڭەرتەڭ جانە كۇندىز 15-20 م/س، كەي جەرلەردە 23 م/س دەيىن كۇشەيەدى. قىزىلوردا وبلىسىنىڭ باسىم بولىگىندە شاڭدى داۋىل كۇتىلىپ، جەلدىڭ جىلدامدىعى 15-20 م/س، كۇندىز وبلىس ورتالىعىندا 23 م/س قۇرايدى. بۇل وڭىرلەردە توتەنشە ءورت ءقاۋپى ساقتالادى.

ماڭعىستاۋ وبلىسىندا اۋا رايى قۇبىلمالى بولادى. وبلىستىڭ باتىسىندا، وڭتۇستىگىندە جانە ورتالىعىندا تۇندە جاڭبىر مەن نايزاعاي كۇتىلسە، كۇندىز ورتالىقتا قاتتى جاڭبىر جاۋۋى مۇمكىن. تۇندە جانە تاڭەرتەڭ ءوڭىردىڭ باتىسىندا تۇمان تۇسەدى دەپ بولجانۋدا.