InfoHub Logo

تاقىرىبى: «ءتىل - حالىق جانىن تانۋدىڭ كىلتى»
ماقساتى:
ا) انا تىلىنە دەگەن سۇيىسپەنشىلىگىن ارتتىرۋ، ءتىلدىڭ قوعامدىق - الەۋمەتتىك قىزمەتىن تانىستىرۋ، ءتىل مەرەيىن كوتەرۋ؛
ءا) ويلاۋ، شىعارماشىلىق قابىلەتتەرىن دامىتۋ، شەشەندىك سوزدەردىڭ ءمان - ماعىناسىن ءتۇسىندىرىپ، بويلارىنا ءسىڭىرۋ؛
ب) ىزدەنىمپازدىققا، شەشەندىككە، ىزگىلىككە تاربيەلەۋ، انا ءتىلىن قاستەرلەۋگە باۋلۋ
كورنەكىلىگى: قاناتتى سوزدەر، سۋرەتتەر
ءتۇرى: تانىمدىق ويىن
ءادىسى: سايىس

ءوتۋ بارىسى
1 - جۇرگىزۋشى:
قۇرمەتتى ۇستازدار، ستۋدەنتتەر. كوللەدجىمىزدە 22 قىركۇيەك ءتىل مەرەكەسى اپتالىعى ۇيىمداستىرىلعان بولاتىن. سول اپتالىقتىڭ اياسىندا وتكەلى وتىرعان بۇگىنگى شارامىزعا قوش كەلدىڭىزدەر. ءتىل مەرەكەسى قۇتتى بولسىن!

2 - جۇرگىزۋشى:
ادامزات دۇنيەگە كەلگەن سوڭ انا تىلىندە سويلەپ، انا تىلىندە ءان سالادى. انا ءتىلى – ءبىزدىڭ ار - وجدان، ادامگەرشىلىگىمىزدىڭ ايناسى. ادام انا تىلىمەن باقىتتى، انا تىلىمەن اسقاق. ءتىل - حالىقتىڭ اجىراماس بولىگى. ۇلى ابايدىڭ ءوزى «وتكىردىڭ ءجۇزى، كەستەنىڭ ءبىزى، ورنەگىن سەندەي سالا الماس» دەپ تاڭىرقاپ تاعزىم ەتكەن ءتىل. تىلىمىزگە قۇرمەت جاساۋ ارقىلى ءبىز ەلىمىزگە قۇرمەت جاسايمىز. ءتىل تۋرالى قانشاما كەستەلى ءسوز ايتساق تا تاۋىسا الماسپىز.

1 - جۇرگىزۋشى:
انا ءتىلىم، دانا ءتىلىم - ءتاڭىرىم
ساقتاي بىلگەن سان عاسىرلار جارىعىن
ءتىلىم مەنىڭ، اباي، احمەت سويلەگەن
بۇعاۋلاۋعا، شۇبارلاۋعا كونبەگەن.
«ءتىل - حالىق جانىن تانۋدىڭ كىلتى» اتتى تانىمدىق سايىسىمىزدى اشۋعا رۇقسات ەتىڭىزدەر.

2 - جۇرگىزۋشى:
سايىس كەزەڭدەرى
1 تۋر. تانىستىرۋ، سالەمدەسۋ
2 تۋر. كىم بىلگىر؟ (ماقال - ماتەل)
3 تۋر. مانەرلەپ وقۋ (ءتىل تۋرالى)
4 تۋر. ءان (ءتىل، وتان، تۋعان جەر)
5 تۋر. قىزىقتى گرامماتيكا (سۇراق - جاۋاپ)

سايىسىمىزدى باستاماس بۇرىن سايىسكەرلەرگە ءادىل تورەلىگىن ايتاتىن ءادىل قازىلار القاسىمەن تانىسايىق.

1 - جۇرگىزۋشى:
انا ءتىلى قازاعىمنىڭ قايماعى،
ءتىلىڭ سەنىڭ ءومىرىڭنىڭ ايعاعى.
بۇگىن مىنە، ءتىل تۋرالى سايىسقا،
توپ بىلگىرلەرى شىعادى.
2 - جۇرگىزۋشى:
سالەم - ءسوزدىڭ اناسى، ءسوز اتاسى
ۇستازداردىڭ قابىل بولسىن باتاسى
قول سوعىپ، ورتامىزعا تارلانداردى
شاقىرساق، بولماس ءسوزدىڭ ەش قاتەسى - دەپ ورتاعا سايىسقا قاتىسۋشى توپتاردى شاقىرامىز.

2 - جۇرگىزۋشى:
1-تۋر. سايىسىمىزدى توپتاردىڭ تانىستىرۋىنان باستايمىز.
1 - جۇرگىزۋشى:
2 تۋر. ماقال - ماتەل - بابادان قالعان مۇرامىز،
ىقىلاسىمىزدى مايەكتەي سوزگە بۇرامىز.
ماقالباي اتاي سۇراعىن الىپ كەلىپتى،
سايىسكەر توپتار، كوڭىلمەن تىڭداپ تۇرامىز.

ەكىنشى تۋرىمىزدىڭ شارتى:
ماقال - ماتەلدەردىڭ ءبىر ءسوزى ءتۇسىپ قالعان سول ءسوزدى تاۋىپ، ورىس تىلىنە، اعىلشىن تىلىنە اۋداراسىزدار. شارتى تۇسىنىكتى بولسا سايىسىمىزدى باستايمىز.
1. مەكتەپ كەمە، ءبىلىم ………..(تەڭىز، مورە، sea)
2. قورادا مالىڭ بولىن، كەشە……….(تالىڭ، دەريەۆو، tree)
3. ادام كوركى شۇبەرەك، اعاش كوركى………….(جاپىراق، ليست، foliage)
4. قۇلان قۇدىققا قۇلاسا، قۇلاعىندا…………وينايدى.(قۇرباقا، جابا، frog)
5. جالعىز كىرپىش قورعان بولماس، جالعىز اعاش…….. بولماس.(ورمان، لەس، forest)
6. بابالار ەككەن شىناردى،…………. سايالار(بالالارى، دەتي، children)
7. قىز وسسە ەلدىڭ كوركى، ………. وسسە جەردىڭ كوركى.(گۇل، سۆەتوك، flower)
8. بىرەۋگە مال قايعى، بىرەۋگە…………جان قايعى.(جان، دۋشا، soul)
9. ماقتانىڭ اناسى جەر، اتاسى -………..(سۋ، ۆودا، water)
10. اقىل،……… ءتىلماشى - ءتىل، بۇل كەپىل،
جارىق توگىپ، ەلجىرەتەر ءتىل دەپ ءبىل!(ءبىلىم، زنانيا، )