InfoHub Logo

سارسەنگالييەۆا گۋلايىم باكىتجانوۆنا         
باتىس قازاقستان وبلىسى تەرەكتى اۋدانى
اقجايىق اۋىلى اقجايىق جوببم
جانىنداعى ينتەرنات تاربيەشىسى  

تىلدەن ارتىق قازىنا جوق،
تىلدەن ارتىق قاسيەت جوق.   

ن. ءا. نازاربايەۆ

ءتىل — حالىقتىڭ التىن دىڭگەگى. ءار حالىق الدىمەن ءوزىنىڭ انا ءتىلىن سىيلاپ، ماقتان تۇتا ءبىلۋى قاجەت. حالقىمىزدىڭ بار شەجىرەسى، بار دانالىعى ءوز تىلىمىزدە جازىلادى. ءتىل-حالىقتىڭ جانى، ءسانى دەسەك ارتىق ايتقانىمىز بولماس. ءبىزدىڭ  انا ءتىلىمىز — قازاق ءتىلى. ”قازاق تىلى-سۇلۋلىعىمەن بوي بالقىتىپ، تامىر شىمىرلاتاتىن، جان دۇنيەڭدى جاندىرىپ، قۇلاق قۇرىشىن قاندىراتىن، وتكىرلىگىمەن قىسىلتاياڭ تۇستا ەر مەن ەلگە بىردەي مەدەت بەرىپ، ادام تۇگىل جاعدايدىڭ ءوزىنىڭ اۋزىنا قۇم قۇياتىن عاجايىپ كەمەل ءتىل”دەپ باۋىرجان مومىش ۇلى اتامىز ايتقانداي، انا ءتىلىمىز — باي ءتىل. ءار ادام ومىرگە كەلگەننەن باستاپ ءوز انا تىلىندە سويلەپ، انا تىلىندە ءبىلىم الىپ، جالپى ۇلتتىق تاربيە الۋ كەرەك دەپ ويلايمىن.

ءوز انا تىلىندە سويلەۋ، وعان دەگەن كوزقاراس ەڭ زور ادامشىلدىق، مادەنيەتتىلىك، تاربيەشىلىك ولشەمى بولىپ تابىلادى. ءتىل حالىقپەن بىرگە ءومىر ءسۇرىپ داميدى، ءار ۇلتتڭ ءتىلى-ونىڭ باقىتى مەن تىرەگى. ەلباسى ن. ءا. نازاربايەۆ حالىقتىڭ بولاشاعىن تەرەڭنەن تولعاي وتىرىپ، مەملەكەتتىڭ ەڭ باستى دۇنيەسى تەك قانا بايلىق ەمەس، سونىمەن قاتار انا ءتىلىمىزدىڭ بولاشاعى’’دەگەن بولاتىن.

راس، قازىرگى زاماندا انا ءتىلىمىزدىڭ شۇبارلانىپ، قاسيەتى كەتىپ بارا جاتقانى دا بايقالادى. ءبىز وعان جول بەرمەۋىمىز كەرەك. ءتىلدىڭ شۇبارلانۋى— ۇلتقا تونگەن ءقاۋىپ.

"انا تىلىنەن ايىرىلعان ادام ءوز حالقى جاساعان مادەني مۇرانىڭ بارىنەن قۇر الاقان قالادى" دەپ عابيت مۇسىرەپوۆ ايتقانداي مۇرالارمىزدان ايىرىلىپ قالىپ جۇرمەيىك! ءوز ءتىلىمىزدى قاستەرلەپ، ءقادىر تۇتايىق!

---