InfoHub Logo

قوستاناي وبلىسىندا انا دارىگەرلەردىڭ سالعىرتتىعىنان قىزىنىڭ ءومىرى كۇرت وزگەرگەنىن ايتىپ، ادىلدىك ىزدەپ ءجۇر. ونىڭ سوزىنشە، 11 جاستاعى قىزىنا قاجەتتى تەكسەرىس جۇرگىزىلمەي، كۇشتى انتيبيوتيك سالىنعاننان كەيىن بالا اۋىر حالگە تۇسكەن.

بۇل تۋرالى Infohub.kz اقپارات اگەنتتىگى حابارلايدى.

دارىگەرلەردىڭ قاتەلىگىنەن قىزدىڭ ءومىرى كۇرت وزگەردى

اناسىنىڭ ايتۋىنشا، وقيعا ءۇش جىل بۇرىن بولعان. قىزىنىڭ بەتىنە بورتپە شىققان سوڭ ولار دييەۆكا اۋىلىنداعى ەمحاناعا جۇگىنگەن. دارىگەرلەر تالداۋ ناتيجەلەرىن كۇتپەستەن “سەفترياكسون” انتيبيوتيگىن ەكى كۇن قاتارىنان ەككەن. وسىدان كەيىن قىز ەسىنەن تانىپ، جانساقتاۋ بولىمىنە ءتۇسىپ، بىرنەشە كۇن كومادا جاتقان.

قازىرگى جاعدايى اۋىر

قازىرگى تاڭدا قىزدىڭ جاعدايى اۋىر. بۇرىن بەلسەندى، ساباعىن جاقسى وقىعان وقۋشى ءقازىر سويلەي المايدى، وزدىگىنەن ءجۇرىپ-تۇرۋى قيىن. اناسىنىڭ سوزىنشە، بالا تەپە-تەڭدىگىن ساقتاي المايدى جانە كۇندەلىكتى قاجەتتىلىكتەرىن ءوز بەتىنشە ورىنداي الماي قالعان.

اۋرۋحانا باسشىلىعىنىڭ جاۋابى

ال اۋليەكول اۋداندىق اۋرۋحاناسىنىڭ باس دارىگەرى تەمىرحان بەگىسبايەۆ بۇل جاعدايعا قاتىستى تەكسەرىس جۇرگىزىلگەنىن مالىمدەدى. ونىڭ ايتۋىنشا، مەديسينالىق باقىلاۋ ناتيجەسىندە دارىگەرلەر تاراپىنان قاتەلىك انىقتالماعان. ماماندار بالانىڭ جاعدايى انتيبيوتكتەن ەمەس، اۋرۋدىڭ اسقىنۋىنان بولدى دەگەن قورىتىندىعا كەلگەن.

قىلمىستىق ءىس توقتاتىلعان

اتالعان ءىس بويىنشا قىلمىستىق ءىس توقتاتىلعان. الايدا ايگۇل ءدىلداباي بۇل شەشىممەن كەلىسپەي، باس پروكۋراتۋراعا شاعىم تۇسىرگەن. ول قىزىنىڭ قازىرگى جاعدايىنا كىنالىلەر جاۋاپ بەرۋى ءتيىس دەپ ەسەپتەيدى.