«توڭكەرىستى ءبىزسىز توقتاتا الماس ەدىڭدەر»: ورىس ازاماتىنىڭ جازباسى بويكوتقا سەبەپ بولدى
جەلىدە Smart Coffee كوفەحانالار جەلىسىنىڭ يەسى ەۆگەنيي گلينسكيگە قاتىستى داۋ ءورشىپ تۇر. ونىڭ 2022 جىلعى قاڭتار وقيعاسى تۋرالى جازعان «توڭكەرىستى ءبىزسىز توقتاتا الماس ەدىڭدەر» دەگەن پىكىرى الەۋمەتتىك جەلى قولدانۋشىلارىنىڭ اشۋىن تۋعىزدى.
وسى پىكىردىڭ سكرينشوتى كەڭىنەن تاراپ، جۇرتشىلىق Smart Coffee-عا بويكوت جاريالاي باستادى. كەيبىر تۇتىنۋشىلار 2GIS قوسىمشاسىندا تەرىس پىكىرلەر قالدىرسا، ەندى ءبىرى Instagram پاراقشالارىنا نارازىلىقتارىن بىلدىرۋدە.
كەيىن ەۆگەنيي گلينسكي بۇل پىكىردى ءوزى جازباعانىن ايتىپ، اككاۋنتىنا شابۋىل جاسالعانىن مالىمدەدى. سونىمەن قاتار، ول كوپشىلىكتەن كەشىرىم سۇراپ، جاعدايدى تۇسىندىرۋگە تىرىستى. الايدا جەلى قولدانۋشىلارى كوفەحانانىڭ اتى وزگەرگەنىن بايقاپ، بۇل ارەكەتتى حەيتتەن قۇتىلۋدىڭ امالى دەپ باعالاۋدا.
ايتا كەتەيىك، وسىعان ۇقساس جاعداي بۇعان دەيىن دە بولعان: «قازاق ءتىلىن بىلۋگە مىندەتتى ەمەسپىز» دەگەن داۋلى پىكىرىنەن كەيىن Qazaq Coffee كوفەحاناسى جابىلعان بولاتىن.
You Might Also Like
-
اقش-تىڭ بۇرىنعى پرەزيدەنتى دونالد ترامپتىڭ كومانداسىندا ۋكرايناداعى جاعدايدى شەشۋگە بايلانىستى كوزقاراس قايشىلىعى تۋىندادى. بۇل كەلىسپەۋشىلىك ارنايى وكىلدەر ستيۆ ۋيتكوفف پەن كيت كەللوگ اراسىندا با...
-
2 مامىردا ق ر ساۋدا جانە ينتەگراسيا ءمينيسترى ارمان شاققالييەۆ الماتىعا جۇمىس ساپارىمەن كەلىپ، بازارلاردى جاڭعىرتۋ ماسەلەلەرى بويىنشا بيزنەس وكىلدەرىمەن كەزدەستى.
