توقايەۆ قورعانىس ءمينيسترىن قابىلداپ، ارميا قاۋىپسىزدىگىنە باسا نازار اۋداردى
توقايەۆ قورعانىس ءمينيسترىن قابىلداپ، ارميا قاۋىپسىزدىگىنە باسا نازار اۋداردى
مەملەكەت باسشىسى، قازاقستان قارۋلى كۇشتەرىنىڭ جوعارعى باس قولباسشىسى قاسىم-جومارت توقايەۆ قورعانىس ءمينيسترى داۋرەن قوسانوۆتى قابىلدادى. كەزدەسۋ بارىسىندا مينيستر پرەزيدەنتكە 2025 جىلدىڭ العاشقى جارتىجىلدىعىندا قورعانىس مينيسترلىگى اتقارعان جۇمىستار تۋرالى ەسەپ بەردى.
داۋرەن قوسانوۆ ارميانىڭ جاۋىنگەرلىك ازىرلىگىن ارتتىرۋ، كوكتەمگى شاقىرىلىم ناۋقانىنىڭ قورىتىندىسى، اسكەري-پاتريوتتىق تاربيە جۇيەسىن جەتىلدىرۋ مەن اسكەري قىزمەتشىلەردى الەۋمەتتىك قامتاماسىز ەتۋ شارالارى جونىندە باياندادى.
مەملەكەت باسشىسى اسكەري قىزمەتتىڭ قاۋىپسىزدىگىن قامتاماسىز ەتۋ ماسەلەسىنە ەرەكشە توقتالىپ، اسكەري بورىشىن وتەۋ بارىسىندا ورىن الاتىن جاراقات الۋ مەن قازا بولۋ وقيعالارىنىڭ الدىن الۋ ءۇشىن كەشەندى شارالار قابىلداۋدىڭ ماڭىزدىلىعىن اتاپ ءوتتى.
پرەزيدەنت قارۋلى كۇشتەردىڭ جاۋىنگەرلىك دايىندىعى مەن اسكەري ءتارتىپ دەڭگەيىن كوتەرۋ قاجەتتىگىن باسا ايتىپ، اسكەري ينفراقۇرىلىمدى جەتىلدىرۋ، اسكەري قىزمەتشىلەردىڭ تۇرمىستىق جاعدايىن جاقسارتۋ جانە ولاردى الەۋمەتتىك قورعاۋ شارالارىن جالعاستىرۋدى تاپسىردى.
كەزدەسۋ سوڭىندا قاسىم-جومارت توقايەۆ قورعانىس مينيسترلىگىنە ناقتى مىندەتتەر جۇكتەپ، ەل قاۋىپسىزدىگىن قامتاماسىز ەتۋ جولىنداعى جۇمىستىڭ ساپالى ءارى جۇيەلى تۇردە جۇرگىزىلۋى ءتيىس ەكەنىن ەسكەرتتى.
You Might Also Like
-
اۆتور: وراز بەردالى عابيت ۇلى،ومبى گۋمانيتارلىق اكادەمياسى، جۋرناليستيكا فاكۋلتەتىنىڭ 3-كۋرس ستۋدەنتى
-
TikTok-تاعى تانىمالدىلىعىمەن ەلگە تانىلعان الماتى وبلىسىنداعى مەكتەپ ديرەكتورى اقمونشاق نۇرتازا قىزمەتىنەن كەتكەنىن مالىمدەدى. بۇل تۋرالى ول ءوزىنىڭ Instagram پاراقشاسىندا:
