InfoHub Logo

تاقىرىبى: تراكتور مەن اۆتوموبيلدەردىڭ ەلەكتروتەحنيكالىق جابدىقتارى

1. ساباقتىڭ ماقساتى: تراكتورلار، اۆتوموبيلدەردىڭ ەلەكتر جابدىقتارى تۋرالى جالپى تۇسىنىك.
2. بىلىمدىلىگى: وقۋشىلاردىڭ تەوريادان العان ءبىلىمىن وندىرىستىك وقۋمەن ۇشتاستىرۋ. تراكتورلار، اۆتوموبيلدەردىڭ ەلەكتر جابدىقتارى تۋرالى جالپى تۇسىنىك بەرۋ.
3. دامىتۋشىلىق: وقۋشىلاردىڭ ماماندىعىنا ىنتاسىن ارتتىرۋ، شەبەرلىك جانە ىسكەرلىك قاسيەتتەرىنىڭ دۇرىس قالىپتاسىپ دامۋىنا ىقپال جاساۋ، دۇرىس شەشىم تابا ءبىلۋ داعدىلارىن قالىپتاستىرۋ، ولاردىڭ وندىرىستە جۇمىس ىستەي ءبىلۋ داعدىلارىن دامىتۋ
4. تاربيەلىك: وقۋشىلاردىڭ ەڭبەككە دەگەن قىزىعۋشىلىعىن ارتتىرۋ، ازاماتتىقپەن جاۋاپكەرشىلىككە تاربيەلەۋ جانە ۇقىپتىلىق پەن تياناقتىلىققا باۋلۋ.
5. وقۋ وندىرىستىك جۇمىستارعا قاجەتتى زاتتار:
6. ساباقتىڭ كورنەكىلىگى. پلاكاتتار، تەح كارتالار، ماكەتتەر.
7. ءپانارالىق بايلانىس: ارناۋلى ماتەريال تانۋ، فيزيكا، ەلەكترو تەحنيكا، گازبەن ءپىسىرۋ پاندەرى.
9. ساباقتىڭ ءادىسى: زەرتحانالىق جۇمىس. وقۋشىلاردىڭ دەربەس جۇمىستارىن ۇيىمداستىرۋ. سۇراق – جاۋاپ ادىستەرى.
ساباققا قاجەتتى وقۋ ماتەريالدىق جابدىقتار:
10. ساباقتىڭ ۇيىمداستىرۋ ءتۇرى:
توپقا ءبولۋ:
بارلىق وقۋشى سانى: 25
11. تاقىرىپقا بايلانىستى بىلۋلەرى جانە ىستەي الۋلارى كەرەك:
- قۇرال - جابدىقتاردى پايدالانۋ
- جۇمىس ورىندارىن دايىنداۋ
- تەحنيكا قاۋىپسىزدىگى جانە ەڭبەك قاۋىپسىزدىگى ەرەجەلەرى
ساباققا قويىلاتىن تالاپتار:
• ۋاقىتتى نورماعا سايكەس ۇنەمدەۋ
• تەحنيكا قاۋىپسىزدىك ەرەجەسىن ساقتاۋ
• ارناۋلى كيىمدەردى، قۇرال - جابدىقتاردى ەرەجەگە سايكەس پايدالانۋ
12. پايدالاناتىن وقۋلىقتار تىزبەسى:
ساباقتىڭ بارىسى

I. ۇيىمداستىرۋ ءبولىمى:
وقۋشىلارمەن سالەمدەسۋ.
توپ باسشىسىنان وقۋشىلاردىڭ قاتىسۋى جونىندەگى ماعلۇمات الۋ.
وقۋشىلاردىڭ ارنايى كيىمدەرىنىڭ ەرەجەگە ساي كەلۋلەرىن تەكسەرۋ (كوستيۋم - شالبار، قولعاپ، باس كيىم)
قۇرال جابدىقتاردىڭ جۇمىسقا دايىندىعىن تەكسەرۋ.

II. كىرىسپە نۇسقاۋ:
وتىلگەن ساباقتى ەسكە ءتۇسىرۋ، قورىتىندىلاۋ ماقساتىندا وقۋشىلارعا سۇراق قويۋ:
جاڭا ساباقتى ءتۇسىندىرۋ.
تراكتورلار مەن اۆتوموبيلدەردىڭ ەلەكتر جابدىقتارى تۋرالى جالپى تۇسىنىك.
اۆتوموبيلدەردىڭ ەلەكتر جابدىقتارى كوپتەگەن ەلەكترلىك ماشينالار مەن تەتىكتەردەن قۇرالادى. ولاردىڭ نەگىزگى جۇمىسى دۆيگاتەلدى ىسكە قوسۋ، ءتۇن مەزگىلىندە جارىق بەرۋ سياقتى جۇمىستار بولىپ تابىلادى. وسىعان قوسىمشا جۇرگىزۋشىنىڭ جۇمىسىن جەڭىلدەتەتىن مەحانيزمدەر مەن قوندىرعىلاردىڭ جۇمىسىن باقىلايتىن قىزمەت اتقارادى.
ەلەكتر جابدىعى ءوزارا پاراللەل ەكى جۇيەدەن تۇرادى: ءبىرىنشىسى ەلەكتر ەنەرگياسىنىڭ كوزدەرى دە، ەكىنشىسى ەلەكتر قۋاتىن پايدالاناتىن قۇرالدار.

ەلەكتر ەنەرگياسىن تۋدىرۋ ءۇشىن اككۋمۋلياتور مەن گەنەراتورلار قولدانىلادى. ءاۆتوموبيلدىڭ بارلىق ەلەكترلىك جۇيەسى تۇراقتى توقپەن جۇمىس ىستەيدى. سەبەبى، تۇراقتى توكتى اككۋمۋلياتورعا جيناۋعا بولادى. ال دۆيگاتەل توقتاپ تۇرعان كەزىندە دە جانە ونى وتالدىرۋ كەزىندە دە ەلەكتر قۋاتى قاجەت بولادى. وسىنداي جاعدايدا اككۋمۋلياتورعا جينالعان ەلەكتر قۋاتىن پايدالانادى.
اككۋمۋلياتورداعى جينالعان ەلەكتر قۋاتىن وتە ۇزاق پايدالانا المايدى، سوندىقتان دا دۆيگاتەل جۇمىس ىستەپ تۇرعان كەزدە ونىمەن جالعاستىرىلعان گەنەراتوردان بارلىق تۇتىنۋشىلاردى ەلەكتر ەنەرگياسىمەن قامتاماسىز ەتەدى. وسى قۇرالدارمەن قاتار اككۋمۋلياتور دا گەنەراتوردان قۋات الىپ، وزىنە جيناقتايدى.

جۇمىس كەزىندە دۆيگاتەلدىڭ اينالىس جىلدامدىعى وزگەرىپ وتىرادى دا، ال ونىمەن جالعاسقان گەنەراتوردىڭ دا اينالىس جىلدامدىعى وزگەرەدى. ولاي بولسا، ونىڭ بەرەتىن ەلەكتر ەنەرگياسىنىڭ دا كورسەتكىشتەرى وزگەرەدى. سوندىقتان دا گەنەراتوردان شىققان ەنەرگيانىڭ كورسەتكىشتەرىن تۇراقتاندىرۋ كەرەك. وسى قىزمەتتى اتقارۋ ءۇشىن ەلەكتر جۇيەسىندە رەتتەۋىش قۇرالدار قولدانىلادى.

ەلەكتر قۋاتىن پايدالاناتىن قۇرالدارعا الۋان ءتۇرلى ەلەكتر دۆيگاتەلدەرى، ەلەكتر شامدارى جانە باقىلاعىش جابدىقتار جاتادى. وسىلاردىڭ ىشىندەگى ەلەكتر ەنەرگياسىن ەڭ كوپ پايدالاناتىن، نەگىزگى دۆيگاتەلدى وتالدىرۋعا ارنالعان ەلەكتر دۆيگاتەلى. بۇل ەلەكتر دۆيگاتەلىن ستارتەر دەپ اتايدى. ستارتەرلەر كەيبىر دۆيگاتەلدەرگە نەگىزگى دۆيگاتەلدى، كەيبىرەۋلەرىندە قوسالقى وتالدىرعىش دۆيگاتەلدى وتالدىرۋ ءۇشىن قولدانادى. ول تۋرالى دۆيگاتەلدىڭ وتالدىرۋ جۇيەسىن قاراعاندا ايتىلادى.

اككۋمۋلياتور
اككۋمۋلياتور دەپ ەنەرگيانى جيناقتايتىن قۇرالدى ايتادى. اۆتوموبيل اككۋمۋلياتورلارى ەلەكتر ەنەرگياسىن حيميالىق ەنەرگياعا جيناقتاپ، ۇستاپ تۇرادى. كەرەك كەزىندە حيميالىق ەنەرگيا، اككۋمۋلياتور ىشىندە رەاكسيا جۇرگەندىكتەن ەلەكتر ەنەرگياسىنا اينالىپ، قايتادان سىرتقا بەرىلەدى.
ەلەكتر ەنەرگياسىن جينايتىن اككۋمۋلياتوردىڭ بىرنەشە ءتۇرى بار. سولاردىڭ ىشىندەگى ءتيىمدى قىزمەت اتقاراتىندارى قورعاسىندى - قىشقىلدى اككۋمۋلياتور، ياعني كۇكىرت قىشقىلىنا سالىنعان قورعاسىن مەن ونىڭ توتىعىنىڭ ارالىعىندا رەاكسيا جۇرەدى دە، ولار زاريادتالادى. بۇل اككۋمۋلياتوردىڭ ەرەكشەلىگى، توك كوزىنىڭ كەرنەۋى 2ۆ بولادى جانە ول كەرنەۋ ونىڭ قورعاسىن پلاستينالارىنىڭ مولشەرىنە، سانىنا بايلانىستى بولمايدى.