ترامپ ۋكرايناعا جاڭا قارجىلاي كومەك بەرۋى مۇمكىن
ترامپ ۋكرايناعا جاڭا قارجىلاي كومەك بەرۋى مۇمكىن
اقش-تىڭ قازىرگى پرەزيدەنتى ۋكراينانى قولداۋدىڭ جاڭا جولدارىن قاراستىرۋدا
اقش پرەزيدەنتى دونالد ترامپ ۋكرايناعا بىرنەشە ميلليارد دوللار كولەمىندە جاڭا قارجىلاي كومەك كورسەتۋ مۇمكىندىگىن قاراستىرىپ جاتىر. بۇل تۋرالى 13 شىلدەدە CBS News ديپلوماتيالىق دەرەككوزدەرگە سىلتەمە جاساپ حابارلادى. باسىلىمنىڭ جازۋىنشا، بۇل باستاما رەسەيگە "ايقىن سيگنال بەرۋ" ماقساتىندا قولعا الىنۋى مۇمكىن. سەبەبى سوڭعى كۇندەرى رەسەي دروندار مەن زىمىراندار ارقىلى ۋكرايناعا بىرنەشە سوققى جاساعان.
قارجىنىڭ ناقتى كوزى ازىرگە بەلگىسىز. دەگەنمەن، اقش بيلىگى ترامپتىڭ قولىندا بۇرىنعى پرەزيدەنت دجو بايدەن تۇسىندا بولىنگەن، ءبىراق تولىق يگەرىلمەگەن 3،85 ميلليارد دوللار كولەمىندە رەزەرۆ بار ەكەنىن حابارلادى. بۇل قاراجات امەريكالىق اسكەري تەحنيكانى ۋكرايناعا جىبەرۋ ءۇشىن پايدالانىلۋى مۇمكىن.
سونىمەن قاتار، ترامپ رەسەيدىڭ شەتەلدىك بانكتەردە بۇعاتتالعان شامامەن 5 ميلليارد دوللارلىق اكتيۆتەرىن تاركىلەپ، ونى دا ۋكرايناعا باعىتتاۋى ىقتيمال. بۇعان دەيىن بۇل قۇقىقتى ەشبىر پرەزيدەنت – نە ترامپتىڭ ءوزى، نە بايدەن – پايدالانعان جوق.
ايتا كەتەيىك، شىلدە باسىندا پەنتاگون ۋكرايناعا كەيبىر قارۋ تۇرلەرىن جەتكىزۋدى ۋاقىتشا توقتاتقان ەدى. اقش قورعانىس ءمينيسترى پيت حەگسەت بۇل شەشىمدى اق ۇيمەن كەلىسپەي قابىلداعان. ال 10 شىلدەدە ترامپ NBC ارناسىنا بەرگەن سۇحباتىندا رەسەيگە "قاتتى كوڭىلى قالعانىن" ايتىپ، 14 شىلدەدە بۇل ماسەلەگە قاتىستى ماڭىزدى مالىمدەمە جاسايتىنىن مالىمدەدى.
You Might Also Like
-
ترامپ: «پۋتين ۋكرايناداعى سوعىستى توقتاتقىسى كەلەدى»– دەپ مالىمدەدى اقش-تىڭ بۇرىنعى پرەزيدەنتى ءوزىنىڭ سۇحباتى بارىسىندا.
-
«قازاقستان تەمىر جولى» ۇلتتىق كومپانياسىندا باسشىلىق اۋىستى. بۇعان دەيىن باسقارما ءتوراعاسى بولعان نۇرلان ساۋرانبايەۆ كولىك ءمينيسترى قىزمەتىنە تاعايىندالۋىنا بايلانىستى ءوز ورنىن بوساتتى. ونىڭ ورنىنا ...
