قتج-نى ۋاقىتشا باسقارۋ دانيال احمەتوۆتىڭ كۇيەۋ بالاسىنا جۇكتەلدى
«قازاقستان تەمىر جولى» ۇلتتىق كومپانياسىندا باسشىلىق اۋىستى. بۇعان دەيىن باسقارما ءتوراعاسى بولعان نۇرلان ساۋرانبايەۆ كولىك ءمينيسترى قىزمەتىنە تاعايىندالۋىنا بايلانىستى ءوز ورنىن بوساتتى. ونىڭ ورنىنا ۋاقىتشا ەرلان قويشىبايەۆ تاعايىندالدى.
«ىشكى نورماتيۆتىك اكتىلەرگە سايكەس، قتج باسقارما ءتوراعاسىنىڭ لوگيستيكا جونىندەگى ورىنباسارى ەرلان قويشىبايەۆ كومپانيا باسشىسىنىڭ مىندەتىن ۋاقىتشا اتقارادى»، – دەلىنگەن كومپانيانىڭ رەسمي جاۋابىندا.
ەرلان قويشىبايەۆ – بۇرىنعى شىعىس قازاقستان وبلىسىنىڭ اكىمى دانيال احمەتوۆتىڭ كۇيەۋ بالاسى. ول احمەتوۆتىڭ قىزى ادەليا احمەتوۆامەن وتباسىن قۇرعان. دانيال احمەتوۆ شقو-نى 2014 جىلدان 2023 جىلدىڭ جازىنا دەيىن باسقارعان. ونىڭ اتى مەملەكەتتىك قىزمەتتەگى ۇزاق مانسابىمەن عانا ەمەس، ىقپالدى تۋىستىق بايلانىستارىمەن دە ءجيى اتالادى.
قويشىبايەۆتىڭ ۋاقىتشا باسشىلىققا كەلۋى قوعامدا ءارتۇرلى پىكىر تۋدىرىپ وتىر. ءبىر تاراپ كاسىبي كادر رەتىندە قاراسا، ەندى ءبىرى بۇل تاعايىنداۋدى تۋىستىق ىقپالمەن بايلانىستىرادى.
نۇرلان ساۋرانبايەۆ 2024 جىلدىڭ سوڭىندا قتج باسشىسى بولىپ تاعايىندالعان ەدى. الايدا كوپ ۇزاماي، 2025 جىلدىڭ ماۋسىمىندا پرەزيدەنت جارلىعىمەن كولىك ءمينيسترى قىزمەتىنە ءوتتى. وسىلايشا، ەلدىڭ تەمىرجول سالاسىنداعى باستى وپەراتور ۋاقىتشا جاڭا باسشىلىققا كوشتى.
جاڭا باسشىنىڭ تۇراقتى تۇردە بەكىتىلەتىنى نە باسقا كانديدات ۇسىنىلاتىنى الداعى ۋاقىتتا بەلگىلى بولادى.
You Might Also Like
-
يران مەن يزرايل اراسىنداعى 12 كۇندىك سوعىس 638 ادامنىڭ ءومىرىن قيدى– دەپ حابارلايدى ينفوحاب.كز.
-
28 ماۋسىم – قازاقستاندا بۇقارالىق اقپارات قۇرالدارى قىزمەتكەرلەرىنىڭ كۇنى رەتىندە اتالىپ وتەدى. بۇل كۇن – قوعامنىڭ ايناسى سانالاتىن جۋرناليستەر، وپەراتورلار، رەداكتورلار مەن باسپا ءسوز قىزمەتكەرلەرىن...
