InfoHub Logo

ماڭعىستاۋ وبلىسى، جاڭاوزەن قالاسى،
№7 ورتا مەكتەبىنىڭ مەكتەپالدى دايارلىق توبىنىڭ تاربيەشىسى
چۋنگۋلوۆا امانگۇل

ءوزىن-وزى تانۋ
ساباقتىڭ تاقىرىبى: تۋعان جەرىمدى سۇيەمىن
ساباقتىڭ ماقساتى: «وتان»، «سۇيىسپەنشىلىك»، «تۋعان جەر» قۇندىلىقتارىنىڭ ماڭىزدىلىعىن ءتۇسىندىرۋ.
مىندەتتەرى:
- وتان، سۇيىسپەنشىلىك، تۋعان جەر تۋرالى تۇسىنىكتەرىن كەڭەيتۋ؛
- تۋعان جەرگە دەگەن سۇيىسپەنشىلىك سەزىمدەرىن دامىتۋ؛
- تۋعان جەرىن سۇيۋگە، قادىرلەۋگە تاربيەلەۋ.
كورنەكى قۇرالدار: داپتەر، قالامىزدىڭ سۋرەتتەرى، ءتۇرلى ءتۇستى قارىنداشتار.
شاتتىق شەڭبەرى
تاربيەشى ە. ەربوتيننىڭ «تۋعان جەر» ولەڭىنىڭ ءبىر شۋماعىن بالالارمەن بىرگە قايتالايدى.
تۋعان جەر
ە. ەربوتين
توسكەيدەن جەل ەسەدى،
توبەمنەن بۇلت كوشەدى.
تۋعان جەرىم مەن ءۇشىن
كوك مايساسىن توسەدى.
تاربيەشى: بالالار، تاماشا جىرلارىڭا مىڭ العىس! ال قانەكەي، ساباعىمىزدى باستاماس بۇرىن 3 توپقا ءبولىنىپ الايىق (بالالار 3 توپقا بولىنەدى) ەندى ءار توپقا ارنالعان ورىندارعا جايعاسايىق.
بالالار ورىندارىنا جايعاسادى.
تاربيەشى: دوستار، مەن سەندەرگە سۇراقتار قويايىن. سوعان جاۋاپ تاپساڭدار، بۇگىنگى ساباعىمىزدىڭ تاقىرىبىن دا تاپقان بولاسىڭدار. كەلىستىك پە؟
بالالار: ءيا!
تاربيەشى: جارايسىڭدار! سۇراقتاردى قويىپ وتىرىپ، «كىم شاپشاڭ؟» دەگەن ويىن وينايمىز. قاي توپ ءبىرىنشى بولىپ جاۋاپ بەرسە سول توپ وزىنە ۇپاي جينايدى.
توپتارعا ارنالعان سۇراقتار:
- ءبىزدىڭ ەڭ جاقىن ادامىمىز كىم؟
- ءبىز مەكتەپتەن قايتقان كەزدە قايدا بارامىز؟
- ءبىزدىڭ قالامىز قالاي اتالادى؟
- ال، ءبىزدىڭ پرەزيدەنتىمىزدىڭ اتى كىم؟
- ءبىزدىڭ تۋىمىزدىڭ ءتۇسى قانداي؟
- ءبىز قاي مەملەكەتتە تۇرامىز؟
تاربيەشى: جارايسىڭدار، بالالار! ءبىزدىڭ مەملەكەتىمىزدىڭ اتى – قازاقستان. قازاقستان ءبارىمىزدىڭ تۋعان جەرىمىز. بۇل ەلدە ءبىز تۋدىق، ءوسىپ جاتىرمىز، مەكتەپكە دە بارامىز. سوندىقتان بۇگىنگى ساباعىمىزدىڭ تاقىرىبى «تۋعان جەرىمدى سۇيەمىن» دەپ اتالادى.
ءبىز تۋعان جەرىمىزدى سۇيۋگە مىندەتتىمىز.
تاربيەشى سۇراققا جاقسى جاۋاپ بەرگەن بالالاردىڭ قولىنا جۇلدىزشالار ۇسىنادى.
اڭگىمەلەۋ
تاربيەشى بالالارعا ر. ءابىلقادىروۆانىڭ «تۋعان جەر تۋى» اڭگىمەسىنەن ءۇزىندى وقىپ بەرەدى، اڭگىمە جەلىسى بويىنشا سۇراقتار قويادى.
دايەكسوز: «تۋعان جەر – التىن بەسىك»
تاربيەشى تاقتاداعى دايەكسوز جازىلعان پلاكاتقا بالالاردىڭ نازارىن اۋدارادى.
اركىمگە ءوزىنىڭ تۋىپ وسكەن جەرى، ونىڭ سىلدىرلاپ اققان سۋى، بيىك تاۋلارى، اعاشتارى، حوش ءيىستى گۇلدەرى دە ىستىق. سوندىقتان اركىم ءوزىنىڭ تۋعان جەرىنە دەگەن ماحابباتىن، وتانىنا سۇيىسپەنشىلىگىن، ماقتانىشىن، ءتۇرلى جولدارمەن بىلدىرەدى. اقىن - جازۋشىلارىمىز تۋعان جەردىڭ سۇلۋ تابيعاتىن، بايلىعىن جىرلاسا، سۋرەتشىلەرىمىز سۋرەتىن سالادى.
ويىن. «مەن سۋرەتشى بولامىن»
تاربيەشى تاقتاعا 3 توپتان 1 بالاعا ارنالعان ماگنيتتى تاقتا ازىرلەيدى. ۇستەلدىڭ ۇستىنە قالامىزدىڭ اسەم جەرلەرى بەينەلەنگەن سۋرەت قيىندىلارىن قويادى. قالعان وقۋشىلار داپتەرگە قالامىزدىڭ اسەم جەرلەرىن بەينەلەيدى.
تاربيەشى ويىنعا بەلسەنە قاتىسقان بالالاردىڭ قولىنا جۇلدىزشالار ۇسىنادى.
تاربيەشى: جارايسىڭدار! مىنە سەندەر ءوز قالالارىڭدى قاتتى جاقسى كورەتىندەرىڭدى، جاقسى تانىس ەكەندەرىڭدى تانىتتىڭدار. وسى ارقىلى سەندەردىڭ تۋعان قالالارىڭا دەگەن ىستىق ماحابباتتارىڭدى تۇسىنۋگە بولادى جانە سۋرەتتى دە وتە تاماشا سالادى ەكەنسىڭدەر!
بالالار ورىندارىنا قايتا جايعاسادى.
تاربيەشى: بالالار، تۋعان جەر، وتان تۋرالى كىم تاقپاق بىلەدى؟
1 - وقۋشى:
وتان مەنىڭ – جۇرەگىم،
وتان مەنىڭ – تىرەگىم.
وتان مەنىڭ – وتباسىم
وتانىمدى ويلاپ جۇرەمىن.

2 - وقۋشى:
وتان مەنىڭ اتا - انام،
وتان – دوسىم، باۋىرىم.
وتان ولكەم – استانام،
وتان تۋعان اۋىلىم.

3 - وقۋشى:
جاسا، جاسا، استانام،
وركەن جايا باستاعان.
بولاشاقتىڭ ەسىگىن
وڭ قولىڭمەن اش ماعان.
عاجايىپ سوزدەر
بالالار ساباقتا ايتىپ، ۇيرەنگەن ونەگەلى سوزدەردى قايتالاپ ايتادى.
- تۋعان جەرىمدى سۇيەمىن.
- تۋعان جەرگە قامقورمىن.
قورىتىندىلاۋ
- دۇرىس ايتاسىڭدار، بالالار، تۋعان جەر بۇل ءبىزدىڭ تۋىپ وسكەن جەرىمىز. ءبىز بۇگىن تۋعان جەر تۋرالى اڭگىمەلەستىك. وتاندى، تۋعان جەردى قادىرلەۋ كەرەكتىگىن تۇسىندىك.
توپپەن ءان ايتۋ.
ەندەشە ەسكەندىر حاسانعالييەۆ اتامىزدىڭ «اتامەكەن» ءانى.