تۋعان كۇنگە ارنالعان قۇتتىقتاۋلار مەن تىلەكتەر
ءبىر دوسىم: «وسى مەن ادامداردى تۇسىنبەيمىن: ءار جىلى تۋعان كۇنىن تويلايدى، سوندا ولار ءبىر جىلعا قارتايعانىنا قۋانادى ما؟» دەپ ەدى.
بۇگىنگى تۋعان كۇن يەسىنە قاراپ وتىرىپ، سول دوسىمنىڭ جاڭساق پىكىر ايتقانىنا تاعى دا كوزىم جەتىپ وتىر.
ءار جىلى تۋعان كۇنىن تويلاۋعا جەتكەن ادام – باقىتتى. ادام ءار جاڭا جىلعا جەتكەنىنە قالاي قۋانسا، تۋعان كۇنىندە دە سولاي قۋانۋى كەرەك.
ءار جاستىڭ وزىنە ءتان باقىتى، قۋانىشى، يگىلىگى، ەرەكشە سىيى بولادى. سونداي يگىلىكتەرگە امان – ەسەن جەتكەنىنە نەگە قۋانباسقا!
قاراپايىم عانا مىسال: ءبىز بالا كۇنىمىزدە تۋعان كۇنىمىزدى دوستارىمىزبەن، سىنىپتاستارىمىزبەن بىرگە تويلاپ وتكىزسەك، ەسەيە كەلە قۋانىشقا ورتاقتاساتىن ءقادىرلى جاندارىمىزدىڭ قاتارى مولايا ءتۇستى.
مىنە، بۇگىنگى تۋعان كۇن كەشىندە قوناقتاردىڭ اراسىندا جاڭا تانىستار، جاڭا تۋىستار پايدا بولعانىنىڭ كۋاسى بولىپ وتىرمىز. بۇل دەگەنىمىز – تۋعان كۇن يەسىنىڭ ومىرىندە بىلتىرعى تۋعان كۇنىنەن بەرى قاراي ءبىرشاما جاڭالىقتار بولعانىن، ارالاساتىن ورتاسى كەڭەيگەنىن، تىلەۋلەس جانداردىڭ قاتارى ارتقانىن بايقايمىز. مۇندايدىڭ ءوزى ءبىر عانيبەت ەمەس پە!
*** *** *** ***
ءومىردىڭ ءار قىرىنان ىزدەر اراي،
باقىت قۇسى سامعاسىن سىزگە قاراي.
وتىز جەتى اسۋىنان ەركىن اسىپ،
ءساتتى قادام باسىڭىز جۇزگە قاراي!
قامال العان قۇتتى بولسىن جاسىڭىز
ورلەي بەرسىن، ورگە قاراي تاسىڭىز.
مەرەكە كۇنى، نۇرعا تولسىن ءجۇزىڭىز،
قۋانىڭىز، شاتتانىڭىز، كۇلىڭىز.
*** *** *** ***
تۋعان كۇن مەرەيلى ىستەردىڭ باستاۋ كۇنى بولا بەرسىن، باقىت پەن بەرەكە اكەلسىن، ەڭبەكتە تابىس پەن ابىروي تىلەيمىز!
*** *** *** ***
ومىردە ءۇش باقىت قۇسى بار: كوگەرشىن، قارلىعاش، اققۋ.
كوگەرشىننىڭ مەيىرىمدىلىگىن،
قارلىعاشتىڭ قايىرىمدىلىعىن،
اققۋدىڭ اق ماحابباتىن تىلەيمىن.
*** *** *** ***
وزەننىڭ اعىسىنداي، تۇلپاردىڭ شابىسىنداي، تولقىننىڭ جارىسىنداي ءوتىپ جاتقان ءار جىلىڭىز جاقسىلىققا تولسىن.
*** *** *** ***
شاتتىققا تولى كۇندەر،
دۋمانعا تولى كەشتەر،
ىستىق قۇشاققا تولى تۇندەر تىلەيمىن.
*** *** *** ***
ءومىر – تەڭىز، جۇزە ءبىل، ماحاببات كەلسە كۇتە ءبىل.
ءومىر – اسقار اسۋلار، تەك سۇرىنبەي وتە ءبىل.
*** *** *** ***
باقىت سارايىنىڭ باس قۇرىلىسشىسى بول دەگەن تىلەكپەن قۇتتىقتاۋ قارلىعاشىن جولدايمىن.
*** *** *** ***
قاجىماس قايرات،
تالماس تالاپ،
مۇقالماس جىگەر،
قايتپاس قاجىر تىلەيمىن.
*** *** *** ***
تاۋ سۋىنداي تاۋسىلماس قايرات،
سىر سۋىنداي سارقىلماس جىگەر،
گۇلدەي جايقالعان عۇمىر،
گۇلدەي تەربەلگەن ءومىر تىلەيمىن.
*** *** *** ***
قاسقىردىڭ قايراتىن،
ارىستاننىڭ ايباتىن،
جىلقىنىڭ ساقتىعىن،
بۇركىتتىڭ قىراعىلىعىن تىلەيمىن.
*** *** *** ***
قۇتتى بولسىن تۋعان كۇن،
كىندىگىڭدى كەسىپ اپ،
جىبەك جىپپەن بۋعان كۇن.
شىلدەحانا سۋىمەن
العاش رەت جۋعان كۇن.
وراپ الىپ جورگەككە،
اق ءسۇتىن اسىل انانىڭ،
ەمىرەنە ەمگەن كۇن.
اكەڭ كەلىپ توبەڭنەن
تەبىرەنە تونگەن كۇن.
قۋانعاننان ەل-جۇرتىڭ
كورىمدىگىن بەرگەن كۇن.
«كىمگە تارتتى ەكەن؟» دەپ
بەتىڭدى اشىپ بەرگەن كۇن.
تۋعان كۇنىڭ جىل سايىن
ءجۇز جىل بويى تويلانسىن.
ءوسىپ ءۇرىم-بۇتاعىڭ،
ارمانىڭا جەتە بەر،
ءومىر شەكسىز كوك تەڭىز،
توقتاماستان كەشە بەر.
*** *** *** ***
كوڭiلiڭ اق بولسىن. باسىڭا قونگان ب ا ق بولسىن. وتىرعان ورنىڭ تاق بولسىن. دوستارىڭ ساعان جاق بولسىن. دۇشپاندارىڭ جوق بولسىن. جولداستارىڭ كوپ بولسىن. اتا-اناڭنىڭ اياۋلىسى، دوستارىڭنىڭ قالاۋلىسى، سۇيگەنiڭنiڭ ءسۇيiكتiسi بول. ءارقاشان اشىق جارقىن، كەشiرiمدi بول. ەزۋiڭنەن كۇلكi كەتپەسiن. دەنساۋلىعىڭ مىقتى بولسىن. باي قۋاتتى بول.
*** *** *** ***
You Might Also Like
-
FLEX — امەريكالىق مەكتەپتە تەگىن ءبىر جىل ءبىلىم الۋعا مۇمكىندىك بەرەتىن باعدارلاما. قازىرگى ۋاقىتتا وسى باعدارلامانىڭ ىرىكتەۋ كەزەڭى ءوتىپ جاتىر. بۇگىنگى كەيىپكەرىمىز باعدارلامانىڭ وتكەن جىلعى ...
-
ون سەگىز مىڭ عالامدى تابىندىرعان ون سەگىز، ۇلكەندەرگە جاس كۇنىن ساعىندىرعان ون سەگىز، ءبارىن - ءبارىن سەزىمگە باعىندىرعان ون سەگىز، سەنىڭ ءۇنىڭ قۇرالعان ارىن جىردان، ون سەگىز.
