InfoHub Logo

تۇلعاعا باعىتتالعان ءبىلىم – ءبىلىم بەرۋدى جاڭارتۋدىڭ باستى باعىتى

بۇگىنگى كۇنى جەكە تۇلعانى دامىتۋعا باعدارلانعان، ىزگىلىكتى، شىنايى دەموكراتيالىق نىشانداعى بۇكىل ادامزاتتىق قۇندىلىقتاردى العا شىعاراتىن ءبىلىم بەرۋ جۇيەسىن قالىپتاستىرۋدا ءىرى-ىرى قادام جاسالىنۋدا. ەسىمى بارشامىزعا بەلگىلى «اققان جۇلدىز» اتانعان ش.ءۋاليحانوۆ «حالىقتىڭ كەمەلىنە كەلىپ وركەندەۋى ءۇشىن ەڭ الدىمەن ازاتتىق پەن ءبىلىم قاجەت» دەگەن بولاتىن. ءقازىر ءبىز ازاتتىق العان، تاۋەلسىزدىگىمىزگە 20 جىل تولعان ەگەمەن ەلمىز.
ال تاۋەلسىز ەل تىرەگى – ءبىلىمدى ۇرپاق دەسەك، جاڭا ءداۋىردىڭ كۇن تارتىبىندە تۇرعان كەلەسى ماسەلە – ءبىلىم بەرۋ، عىلىمدى دامىتۋ، وركەنيەت بىتكەننىڭ وزەگى – ءبىلىم، عىلىم، تاربيە ەكەنىنە ەشكىمنىڭ تالاسى جوق. وسى ورايدا ءبىلىم ورداسى مەكتەپ ەكەندىگى بارشاعا ءمالىم.

قازاقستاندىق مەكتەپتەردى جاڭارتۋ تۇجىرىمداماسى جالپى بiلiم بەرۋدىڭ باسىم باعىتتارىن، وقۋشى مەن ءمۇعالىمنىڭ ءوزارا ىنتىماقتاستىعى ۇلگiسiن ءبىلىم بەرۋ ۇردىسىندە قالىپتاستىرۋ مەن ءارتۇرلى وقۋ - iس-ارەكەتىن قامتيتىن وقىتۋ ءادiستەرiنiڭ ۇيلەسiمدiلiگi نەگiزiندە جۇزەگە اسىرىلۋى ءتيىس ەكەندiگiن انىقتاپ بەرىپ وتىر. بۇل باسىم باعىتتار مەكتەپتە بiلiم بەرۋدى دامىتۋعا نەگىز بولادى. وسىعان وراي مەكتەپتىڭ ءار ساتىسىندا وقىتۋ مەن تاربيە بەرۋدىڭ ماقساتى، بiلiم مازمۇنىن iرiكتەۋ ۇستانىمدارى، سونداي-اق، وقۋشىلاردىڭ دايىندىق ساپاسىن باعالاۋ ءتاسiلدەرi ناقتىلانادى.

قالامىزداعى ءبىلىم وشاقتارىنىڭ ءبىرى - 91-ورامدا ورنالاسقان №10 ورتا مەكتەبى. بۇگىنگى تاڭدا مەكتەپتىڭ الدىنا قويىپ وتىرعان باستى مىندەتتەرىنىڭ ءبىرى قابىلەتتى جەكە تۇلعانى قالىپتاستىرۋ بولىپ تابىلادى.

مەكتەپتە قازىرگى كەزدە 425 بالا ءبىلىم الىپ، 3 جاسپەن 5 جاس ارالىعىنداعى بالالارعا ارنالعان «بالداۋرەن» شاعىن ورتالىعىندا 25 بالا تاربيەلەنۋدە.

باسەكەگە قابىلەتتى تۇلعانى قالىپتاستىرۋ – پەداگوگيكالىق ۇجىمنىڭ بارلىق مۇشەلەرىنىڭ بىرىگۋىن تالاپ ەتەدى. تۇلعاعا باعىتتالعان ءبىلىم - وقۋشىلاردىڭ تۇلعالىق ەرەكشەلىكتەرى اشىلاتىن، قاسيەتتەرى قالىپتاساتىن، مۇمكىندىكتەرى جۇزەگە اسىرىلاتىن وقىتۋ جاعدايى. ءار وقۋشىنىڭ بولمىسى ارقىلى دامىتۋشىلىق، شىعارماشىلىق ويلاۋ، ءوز بەتىنشە شەشىم قابىلداۋ قابىلەتىنىڭ قالىپتاسۋى ءتيىس.

وسى ورايدا مەكتەپتىڭ بۇگىنگى بەت بەينەسىن جاڭا قىرىنان كورسەتىپ كەلە جاتقان №10 ورتا مەكتەپ ۇجىمىنىڭ وتكەن وقۋ جىلىندا جەتكەن جەتىستىكتەرى از ەمەس. ءبىلىم شاڭىراعىنداعى الەۋمەتى مىقتى، ينتەللەكتۋالدىق قابىلەتى، كاسىبي بىلىگى جوعارى ۇستازدار ۇجىمنىڭ 51 %-ىن قۇرايدى.

مەكتەپتە وقۋشىلاردىڭ عىلىمي زەرتتەۋگە قىزىعۋشىلىعىن قالىپتاستىرۋ، شىعارماشىلىق قابىلەتتەرىن تانىتۋ جانە دامىتۋ، شىعارماشىلىق سيپاتتاعى جەكە تۇلعالاردى تاربيەلەۋ جۇمىستارىن جۇرگىزۋ ماقساتىندا «جاس وركەن» وقۋشىلار عىلىمي قوعامى جۇمىس جاسايدى. وسى عىلىمي-ىزدەنىس قوعامى مۇشەلەرىنىڭ، 10ا سىنىپ وقۋشىسى الىشەروۆا اقەركەنىڭ «ۇلىتاۋ جەر-سۋ اتتارىنىڭ قويىلۋ ەرەكشەلىكتەرى»، 6ا سىنىپ وقۋشىسى ەسەنگالييەۆا گۋلىمنىڭ «فرازەولوگيزمى رۋسسكوگو يازىكا»، 9ۆ سىنىپ وقۋشىسى سەيتباتتالوۆا نازيرانىڭ ستيل «رەترو» تاقىرىپتارىنداعى عىلىمي - ىزدەنىس جۇمىستارى ق ر كىشى عىلىم اكادەمياسىندا الماتى وبلىستىق 20-شى عىلىمي-پراكتيكالىق كونفەرەنسياسىندا قورعالىپ، ارنايى جيناققا ەنگىزىلدى. 13 وقۋشى رەسپۋبليكالىق «رۋسسكيي مەدۆەجونوك» زياتكەرلىك سايىسىندا جۇلدەلى 1،2 – ورىندارعا، 5 وقۋشى قالالىق ءپان وليمپياداسىندا جۇلدەلى 1، 2 ورىندارعا يە بولسا،

جاس مۋزىكانتتاردىڭ 45 وبلىستىق كونكۋرسىندا 3ب سىنىپ وقۋشىسى (سكريپكاشى) مۋرزاتوۆا لەيلا ءى ورىندى، ءىى وبلىستىق ماحامبەت وقۋلارىندا «ۇلى ارمان» نوميناسياسى بويىنشا 9ا سىنىپ وقۋشىسى توقتامىسوۆا قۋانىش ءىى ورىندى، «شاعىن قالالاردىڭ قولداۋىنا مەملەكەت ارنايى ساياسات قولدانۋى قاجەت» تاقىرىبىندا وتكىزىلگەن «دەبات-2010» ايماقتىق پىكىرتالاس سايىسىندا مەكتەپ وقۋشىلارىنان قۇرىلعان «اقيقات توبى» ءىى ورىندى، قاراعاندى قالاسىندا وتكىزىلگەن «كوشباسشى زاڭگەر» زياتكەرلىك ويىنىنا قاتىسقان 11ا سىنىپ وقۋشىسى جاڭاباي ايدانا 2 دارەجەلى ديپلومدى، 5ا سىنىپ وقۋشىسى قالجانوۆ وراز بولگاريا جانە تۇركيا مەملەكەتتەرىندە وتكەن حالىقارالىق تاەكۆاندو بايقاۋىندا ءى ورىندى قانجىعاسىنا بايلادى.

«ديدار» تەلەارناسىنىڭ ۇيىمداستىرۋىمەن وتكىزىلگەن ەل تاۋەلسىزدىگىنىڭ 20 جىلدىعىنا ارنالعان «باتىرلار جىرىن جاتقا ايتام…» باعدارلاماسىنا 5ب سىنىپ وقۋشىسى زەينەل نۇرسۇلتان جىل بويى قاتىسىپ، تەلەارنانىڭ العىس حاتىمەن ماراپاتتالدى.