تۋرار كازانگاپوۆ
تۇركىستان وبلىسىندا 20 كۇدىكتى قاماۋعا الىندى
تۇركىستان وبلىسىندا جەلىلىك الاياقتىقپەن اينالىسقان 20 كۇدىكتى قاماۋعا الىندى
تۇركىستان وبلىسىندا ينتەرنەت ارقىلى الاياقتىق جاسادى دەگەن كۇدىكپەن 20 ادام قاماۋعا الىندى. بۇل تۋرالى Infohub.kz اقپارات اگەنتتىگى حابارلايدى.
سونداي-اق، تاعى ەكى ادامعا حالىقارالىق ىزدەۋ جاريالاندى. قىلمىستىق ءىستى تەرگەۋ بارىسىندا شەتەلدىك ازامات 2024-2025 جىلدار ارالىعىندا قازاقستان اۋماعىندا ۇيىمداسقان قىلمىستىق توپ قۇرىپ، ونى باسقارعانى انىقتالدى. توپ مۇشەلەرى ينتەرنەت جانە تەلەفون ارقىلى الاياقتىق جاساپ، 21 جابىرلەنۋشىگە 125 ميلليون تەڭگەدەن استام قارجىلاي شىعىن كەلتىرگەن.
الاياقتاردىڭ ارەكەتتەرى
كۇدىكتىلەر وزدەرىن پوشتا قىزمەتكەرلەرى نەمەسە بايلانىس وپەراتورلارى رەتىندە تانىستىرىپ، ازاماتتاردىڭ اتىنا نەسيە راسىمدەپ، اقشالاي قاراجاتتى يەمدەنىپ وتىرعان. قازىرگى تاڭدا جابىرلەنۋشىلەرگە 20 ميلليون تەڭگە قايتارىلدى. كۇدىكتىلەرگە تيەسىلى ءۇش كولىك قۇرالىنا قاماۋ سالىندى. قالعان شىعىن سوماسى سوت پروسەسىندە ماجبۇرلەپ وندىرىلەتىن بولادى.
تەرگەۋ امالدارىنىڭ قورىتىندىسى
قازاقستان رەسپۋبليكاسى قىلمىستىق كودەكسىنىڭ 190-بابى 4-بولىگىنىڭ 1-تارماعىندا (الاياقتىق) جانە 262-بابى 1، 2-بولىكتەرىندە (ۇيىمداسقان توپ قۇرۋ جانە وعان قاتىسۋ) كوزدەلگەن قىلمىستار بەلگىلەرى بويىنشا قىلمىستىق ءىس بويىنشا سوتقا دەيىنگى تەرگەۋ اياقتالدى.
-
قازاقستاندا زەينەت جاسىنا جەتپەي-اق، ءومىر بويى زەينەتاقى الۋعا مۇمكىندىك بار. بۇل كىمدەرگە قولجەتىمدى جانە قانداي شارتتارى بار؟
-
تانىمال ءانشى اقەركە بۇركىتباي ۇستازىنىڭ ومىردەن وتكەنىن حابارلادى.
