كورپوراسيا كازاحمىس
قازاقستاندىقتاردى «قازاقمىسقا» جۇمىسقا ورنالاستىرامىز دەپ ميلليونداعان تەڭگەگە الدادى
جۇمىسقا ورنالاستىرامىز دەپ الدادى
ۇلىتاۋ وبلىسىندا «قازاقمىس» كورپوراسياسىنا جۇمىسقا ورنالاستىرامىز دەپ ۋادە بەرگەن الاياقتارعا قاتىستى توعىز قىلمىستىق ءىس قوزعالدى. بۇل تۋرالى Infohub.kz اقپارات اگەنتتىگى حابارلايدى.
تەرگەۋ بارىسىندا كۇدىكتىلەر ازاماتتاردىڭ سەنىمىنە كىرىپ، جالپى سوماسى 16 ميلليون تەڭگەدەن استام قارجىنى يەمدەنگەنى انىقتالدى. ولار جۇمىسقا ورنالاستىرۋعا ۋادە بەرىپ، الدىن الا اقشا العان. الايدا ءوز مىندەتتەرىن ورىنداماعان، وسىلايشا ازاماتتارعا ماتەريالدىق زيان كەلتىرگەن.
ساق بولىڭىزدار!
ۇلىتاۋ وبلىسىنىڭ پوليسيا دەپارتامەنتى ازاماتتاردى ساق بولۋعا شاقىرادى. كەز كەلگەن ۇيىمعا جۇمىسقا ورنالاسۋ تەك كادر قىزمەتتەرى ارقىلى رەسمي تۇردە جۇزەگە اسىرىلادى.
«ءبىز مۇنداي كۇماندى ۇسىنىستارعا سەنبەۋگە شاقىرامىز. الاياقتىق فاكتىلەرى انىقتالعان جاعدايدا دەرەۋ پوليسياعا حابارلاسۋ قاجەت»، - دەدى ۇلىتاۋ وبلىسى پوليسيا دەپارتامەنتى باستىعىنىڭ ورىنباسارى الماز سالاماتوۆ.
-
تانىمال ءانشى اقەركە بۇركىتباي ۇستازىنىڭ ومىردەن وتكەنىن حابارلادى.
-
تانىمال ازىلكەش تۇرسىنبەك قاباتوۆتىڭ ەكىنشى جارى ايمان تالعات قىزى الەۋمەتتىك جەلىدەگى جازباسىندا تۇرمىستىق جاعدايىن كورسەتتى.
