InfoHub Logo

تۇركىستاندا 17 جاستاعى قىزدى تۋىسى ءبىر جىل بويى زورلاپ كەلگەن

تۇركىستان وبلىسىنىڭ ماقتاارال اۋدانىندا 17 جاستاعى قىزدى تۋىسى ءبىر جىل بويى زورلاپ، دوستارىنا «ساتقان». زورلىق كورگەن ءبىر جىلعا جۋىق ۋاقىتتا «كليەنتتەر» سانى ونداعان ادامعا جەتكەن، دەپ حابارلايدى Infohub.kz.
بۇل سەكس-قۇلدىق وقيعاسىن بلوگەر جان احمەدوۆ الەۋمەتتىك جەلىدە ايتتى. لەيلا اتتى بويجەتكەن ادىلدىككە قول جەتكىزە الماي كەلە جاتقانىن جەتكىزدى.

«ءبىر جىل بۇرىن مەنى زاكىر اتتى تۋىسىم ماعان كولىك ايداپ ۇيرەتەمىن دەپ الداپ اپارىپ زورلادى. سول كەزدە مەنى زورلاعانىن بەينەكامەراعا ءتۇسىرىپ الىپ، ەشكىمە ايتپا دەپ مەنى قورقىتتى. ءبىر جىل بويى ماعان ويىنا كەلگەنىن جاسادى. مەنى ءوزى زورلاعانىمەن قاتار تانىس دوستارىنا دا زورلىققا ساتتى. باستاپقىدا پوليسيا دەپارتامەنتىندە زاكىر ىستەگەن ءىسىن مويىندادى. تاعى دا مەنى قورلاعان بەس ادامدى دا تاپقان ەدى. الايدا ءقازىر ءىس باسقا جاققا باعىت الىپ بارا جاتىر»، – دەدى بويجەتكەن لەيلا.
بويجەتكەننىڭ  قىلمىستىق ءىس زورلاۋ بابىمەن ەمەس 147 باپ بويىنشا قوزعالىپ كۇدىكتى جازادان قۇتىلىپ كەتە ما، دەپ قورقاتىنىن ايتتى. قازىرگى ۋاقىتتا كۇدىكتى ۋاقىتشا ۇستاۋ يزولياتورىندا.