تۇركىستاندا پوليسيا باستىعى تۇرعىندارعا قىلمىس دەڭگەيىنىڭ تومەندەگەنىن مالىمدەدى
تۇركىستان وبلىسى پوليسيا دەپارتامەنتىنىڭ باستىعى مۇرات قابدەنوۆ ءوڭىر تۇرعىندارىمەن كەزدەسىپ، قۇقىق قورعاۋ ورگاندارىنىڭ 2025 جىلدىڭ العاشقى ايلارىنداعى جۇمىس ناتيجەلەرىن تانىستىردى.
ۆەدومستۆو باسشىسى بيىل وبلىستاعى جالپى قىلمىس دەڭگەيى 3،2%-عا تومەندەگەنىن اتاپ ءوتتى. ۇرلىق دەرەكتەرى – 38،7%-عا، مال ۇرلىعى – 43،7%-عا ازايعان. سونداي-اق پاتەر ۇرلىعىنا قاتىستى 8، ينتەرنەت-الاياقتىققا قاتىستى 23 جانە مال ۇرلىعىنا بايلانىستى 16 قىلمىستىق توپتىڭ ارەكەتى اشكەرەلەنگەن.
كەزدەسۋدە ازاماتتار ءتۇرلى ماسەلەلەر بويىنشا سۇراق قويدى. شاردارا تۇرعىنى ينتەرنەت-الاياقتىق قۇربانى بولعانىن ايتىپ، كىنالىلەردى انىقتاۋدى سۇرادى. ال كەنتاۋ قالاسىنىڭ تۇرعىنى پوليسەيلەردىڭ زاڭسىز راسىمدەلگەن نەسيەنى انىقتاۋداعى كومەگىنە العىس ءبىلدىردى. تۇركىستان قالاسىنىڭ تۇرعىنى تەرگەۋدىڭ ادىلەتسىزدىگىنە شاعىم ايتىپ، وعان قاتىستى ناقتى تاپسىرما بەرىلدى.
مۇرات قابدەنوۆ قوعامدىق ءتارتىپتى ساقتاۋ مەن زاڭدىلىقتى قامتاماسىز ەتۋ جولىنداعى جۇمىستار جالعاسا بەرەتىنىن جەتكىزدى. ونىڭ ايتۋىنشا، پوليسيانىڭ باستى مىندەتى – حالىق سەنىمىن اقتاۋ.
You Might Also Like
-
باسى داۋعا قالعان بلوگەر Daricorn بۋللينگە ۇشىراعان بالانىڭ وتباسىنان كەشىرىم سۇرادى،دەپ حابارلايدى Infohub.kz.
-
استانادا قازاقستان پرەزيدەنتى قاسىم-جومارت توقايەۆ پەن ۆەتنام كوممۋنيستىك پارتياسى ورتالىق كوميتەتىنىڭ باس حاتشىسى تو لام اراسىندا شاعىن قۇرامدا كەلىسسوزدەر ءوتتى. مەملەكەت باسشىسى بۇل ساپاردى ەكى ە...
