فوتو: Orda.kz
تۇركىستاندا تۇتاس ءبىر اۋىل باس كوتەردى: 15 جاسار وقۋشىنى زورلاعان زەينەتكەر جۇرتتىڭ اشۋىنا ءتيدى
تۇركىستان وبلىسى، كەلەس اۋدانىندا جانتۇرشىگەرلىك وقيعا ورىن الدى. 15 جاستاعى وقۋشى قىز كورشى تۇراتىن 71 جاستاعى زەينەتكەردەن بالا بوسانعان. قىلمىس اشىلعاننان كەيىن اشۋعا بۋلىققان اۋىل تۇرعىندارى كۇدىكتىنىڭ وتباسىنان اۋىلدان كەتۋدى تالاپ ەتىپ، دۇربەلەڭ شىعاردى.
Orda.kz ءتىلشىسىنىڭ حابارلاۋىنشا، زورلىق قۇربانى بولعان مەكتەپ وقۋشىسىنىڭ جاعدايى ۇزاق ۋاقىت بويى جاسىرىن بولىپ كەلگەن. اتا-اناسى قىزىنىڭ جۇكتى ەكەنىن تەك جەتىنشى ايىندا ءبىر-اق بىلگەن. ءسابي دۇنيەگە كەلگەننەن كەيىن عانا ءجاسوسپىرىم باسىنان وتكەن سۇمدىقتى ايتىپ بەرگەن.
وسىدان كەيىن وتباسى دەرەۋ پوليسياعا ارىزدانعان. كۇدىكتى رەتىندە 71 جاستاعى كورشىسى ۇستالىپ، ول تەرگەۋ بارىسىندا ءوز كىناسىن تولىق مويىنداعان.
قىلمىستىڭ بەتى اشىلعاننان كەيىن بۇكىل اۋىل دۇرلىگىپ، تۇرعىندار كۇدىكتى زەينەتكەردىڭ ۇيىنە جينالعان. ولار قاتتى شۋ شىعارىپ، كۇدىكتىنىڭ وتباسىمەن بىرگە اۋىلدان كوشىپ كەتۋىن تالاپ ەتكەن.
ايتا كەتەيىك، بۇعان ۇقساس وقيعالار ەلىمىزدىڭ باسقا وڭىرلەرىندە دە ورىن العان. بۇعان دەيىن اقتوبەدە دارىگەرلەر جۇكتىلىگىن ءۇش رەت بايقاماعان 14 جاستاعى وقۋشىنىڭ وقيعاسى قوعامدا ۇلكەن تالقىعا تۇسكەن ەدى.
You Might Also Like
-
قىتايدا 12 ادامنىڭ قازاسىمەن اياقتالعان قايعىلى جاعداي بولدى. كوپىر قۇرىلىسىنداعى تروس ءۇزىلىپ جۇمىسشىلار كوز جۇمدى، دەپ حابارلايدى Infohub.kz.
-
ۇكىمەت كۋلۋارىندا ەڭبەك ءمينيسترى سۆەتلانا جاقىپوۆا ەلىمىزدە جاعدايى بار كوپبالالى وتباسىلارعا مەملەكەتتەن قولداۋ كورسەتپەۋ ماسەلەسى قاراستىرىلىپ جاتقانىن ايتتى، دەپ حابارلايدى Infohub.kz.
