ۇبت-2021: تەست تاپسىرۋ فورماتىنا قانداي وزگەرىس ەنگىزىلدى
ق ر ءبىلىم جانە عىلىم ۆيسە-مينيسترى ميراس داۋلەنوۆ بيىلعى ۇلتتىق ءبىرىڭعاي تەست تاپسىرۋ فورماتىنا ەنگىزىلگەن وزگەرىستەر جايىندا ايتتى.
«بىزدە تەستىلەۋ ۇزاقتىعى 4 ساعاتتى، ياعني 240 مينۋتتى قۇرايدى. وسى ورايدا مىنا جايتتارعا نازار اۋدارعىم كەلەدى. بۇرىندارى ءبىز جاۋاپتاردى تولتىرۋعا، بوياۋعا، تەستىلەۋدىڭ ءوزىن ۇيىمداستىرۋعا، ياعني، بارلىعىنىڭ اۋديتوريادا وتىرۋىنا ۋاقىت بولەتىنبىز. ال بۇگىندە ۇبت تاپسىرۋعا كىرىسەتىن مەكتەپ تۇلەگىندە 240 مينۋت بولادى. دەمەك، ول «تەستىلەۋدى باستاۋ» تۇيمەشەگىن باستاعان ساتتەن باستاپ تەست تاپسىرادى. سوعان وراي تۇلەك باسقا تۇلەكتەردىڭ ۋاقىتىنا قاراماستان تەست تاپسىرۋعا كىرىسىپ، بىتكەن سوڭ «تەستىلەۋدى اياقتاۋ» تۇيمەشەگىن باسادى»، - دەدى ول مينيسترلىكتىڭ اپپارات جينالىسىندا.
ونىڭ اتاپ وتۋىنشە، ۇبت بارىسىندا تۇلەك قاتە جىبەرگەن جاۋاپتارىن تۇزەتۋگە دە مۇمكىندىك الادى.
«ۇبت-نى قاعاز تۇردە وتكىزۋدەن ەلەكتروندى فورماتتا تاپسىرۋدىڭ تاعى ءبىر باسىمدىعى جاۋاپتى وزگەرتۋگە بولادى. قاعاز تۇرىندە جاۋاپ بويالعاننان كەيىن ونى وزگەرتۋ مۇمكىن ەمەس. ال ەلەكتروندى فورماتتا تۇلەك قانداي دا ءبىر تاپسىرمانىڭ دۇرىس جاۋابىن تاپسا، قانداي دا ءبىر اقپاراتتى ەسكە تۇسىرسە، وندا سۇراققا قايتا ورالىپ، جاۋابىن وزگەرتە الادى. ونىڭ ۇستىنە وزگەرتىلگەن جاۋاپ ۇبت اياقتالعاننان سوڭ جانە ساقتالعاننان كەيىن دە جازىلادى»، - دەدى ۆيسە-مينيستر.
You Might Also Like
-
Telegram Android جانە iOS جۇيەلەرىنە ارنالعان 7.6 نۇسقاسىن شىعاردى. مۇنداعى باستى جاڭارتۋ داۋىستىق چاتتارعا جاسالىنعان.
-
ق ر ءبىلىم جانە عىلىم ۆيسە-مينيسترى شولپان كارينوۆا 4-توقساندا وقۋشىلار قالاي ءبىلىم الاتىندىعىن ءتۇسىندىردى.
