InfoHub Logo

كەلەسى جىلدان باستاپ ۇلتتىق ءبىرىڭعاي تەستىلەۋ جاڭا فورماتقا كوشىرىلەدى. سونىمەن قاتار جاڭا سيپاتتا سۇراقتار دايارلايتىن ماماندار وقىتىلادى. اتالعان جاڭاشىلدىقپەن عىلىم جانە جوعارى ءبىلىم ءمينيسترى ساياسات نۇربەك ءبولىستى.

«ۇبت-عا قاتىستى ەكى پروبلەما بار. الدىمەن سۇراقتاردىڭ ماڭىزى. شىنىن ايتۋ كەرەك، ونىڭ سۇراقتارى فورمالدى. ادامدى ويلاۋعا جانە ونىڭ ويلاۋ قابىلەتىن تەكسەرۋگە ەمەس، جاتتاۋعا باعىتتالعان. بۇل ماسەلەنى قالاي شەشپەكپىز؟ بۇگىندە كەمبريدج ۋنيۆەرسيتەتىمەن بىرلەسىپ ۇبت سۇراقتارىن تۇبەگەيلى تۇردە وزگەرتىپ جاتىرمىز. بيىل 350 تەست دايارلايتىن مامان وقىتىلىپ، سەرتيفيكاسيادان وتەدى. ولار 5 مىڭ جاڭا سيپاتتاعى سۇراقتار ازىرلەيدى. جاڭا فورماتتاعى تەست سۇراقتارى SAT (Scholastic Assessment Test) حالىقارالىق ەمتيحانىنا ۇقسايدى. ول جەردە الدىمەن بالانىڭ ويلاۋ قابىلەتى نازارعا الىنادى»،- دەدى ساياسات نۇربەك ءتىلشى نارتاي ارالبايۇلىنا بەرگەن سۇحباتىندا.

ءمينيستردىڭ ايتۋىنشا، اتالعان فورماتتى بىردەن ەنگىزۋگە بولمايدى، الدىمەن بالالاردى دايىنداۋ قاجەت.

«وسىلايشا كەلەسى جىلدان باستاپ ۇبت-نىڭ سۇراقتارىنىڭ مازمۇنى مەن ونىڭ فورماتى وزگەرەدى. ەندى ءادىل وتكىزۋ ماسەلەسىنە كەلسەك، وتكەن جىلدان باستاپ ۇبت-نى وتكىزۋگە جەكە كومپانيا جاۋاپتى. جەكەگە بەرۋدىڭ وڭ تۇسى بۇرىن مينيسترلىك جاۋاپتى بولعاندا باكە، ساكە دەپ حابارلاساتىن. ەندى حابارلاسسا ءبىزدىڭ قۇزىرەتىمىزدە ەمەس، جەكە كومپانيانىڭ جاۋاپتى ەكەنىن ايتامىز»، - دەيدى ۆەدومستۆو باسشىسى.

---